ଭୁବନେଶ୍ବର: ଆସନ୍ତା 21 ରୁ ଖୋଲିବ ରାଜ୍ୟର ସମସ୍ତ ସ୍କୁଲ। 21 ତାରିଖ ରୁ ଖୋଲିବ ସମସ୍ତ ସରକାରୀ ଏବଂ ବେସରକାରୀ ସ୍କୁଲ। ପାଣିପାଗର ପରିବର୍ତ୍ତିତ ପାଗକୁ ନଜର ରଖି ଗଣଶିକ୍ଷା ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। କିନ୍ତୁ ପଶ୍ଚିମ ଓଡିଶାର ସ୍ଥିତି ଦେଖି ୭ ଟି ଜିଲ୍ଲାର ନିଷ୍ପତ୍ତି ନେବେ ଜିଲ୍ଲାପାଳ। ଏନେଇ ଆଜି ସ୍କୁଲ ଗଣଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶନାମା ପ୍ରକାଶ ପାଇଛି ।
ଗ୍ରୀଷ୍ମ ପ୍ରବାହ ଦୃଷ୍ଟିରେ ରଖି ପଶ୍ଚିମ ଓଡିଶାର ସୁନ୍ଦରଗଡ, ସମ୍ବଲପୁର, ଝାରସୁଗୁଡା, ବରଗଡ, ଅନୁଗୁଳ, ସୁବର୍ଣ୍ଣପୁର ଏବଂ ବଲାଙ୍ଗୀରର ଜିଲ୍ଲାପାଳ ମାନେ ସକାଳୁଆ ସ୍କୁଲ କରିପାରିବେ କିମ୍ବା ପରିସ୍ଥିତି ଦେଖି ଛୁଟି ଘୋଷଣା କରିପାରିବେ ଉକ୍ତ ୭ ଜିଲ୍ଲାର ଜିଲ୍ଲାପାଳ। ସୂଚନା ଅନୁସାରେ, 19 ବଦଳରେ 21 ରେ ଖୋଲିବା ପାଇଁ ସରକାର ପୂର୍ବରୁ ମଧ୍ୟ ନିଷ୍ପତ୍ତି ନେଇଥିଲେ। ତେବେ ଏପ୍ରିଲ 21 ତାରିଖ ଠାରୁ ପ୍ରଥମଶ୍ରେଣୀ ଠାରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ କଲେଜ ବନ୍ଦ ରହିଥିଲା। ଗ୍ରୀଷ୍ମ ପ୍ରବାହ ଦୃଷ୍ଟିରେ ରଖି ଏହି ଖରା ଛୁଟି କରାଯାଇଥିଲା। ତେବେ ମେ ମାସ 5 ତାରିଖରେ ଖରା ଛୁଟି ନେଇ ଏକାଡେମୀ କ୍ୟାଲେଣ୍ଡର ରେ ପ୍ରକାଶ ପାଇଥିଲା। ତେବେ ଏପ୍ରିଲ ମାସର ଶେଷ ଆଡକୁ ଅତ୍ୟଧିକ ଗ୍ରୀଷ୍ମ ପ୍ରବାହ ନେଇ ବାରମ୍ବାର ସ୍କୁଲ ଛୁଟ ହେବା ଏବଂ ଖୋଲିବା ପରି ପରିସ୍ଥିତି ଉପୁଜିଥିଲା। ଯାହା ଫଳରେ ଏପ୍ରିଲ 21 ତାରିଖରେ ସମ୍ପୂର୍ଣ ଭାବରେ ଖରା ଛୁଟି କରାଯାଇଥିଲା।