ଭୁବନେଶ୍ବର: ଆସନ୍ତାବର୍ଷ ଡିସେମ୍ବର ୧ ରୁ ୩ ତାରିଖ ଯାଏଁ ଓଡିଶାରେ ଆୟୋଜିତ ହେବ ଏଜୁକେସନ ଇନଭେଷ୍ଟ କନକ୍ଲେଭ୍(Edu Invest Conclave)। ୫୦ ଦେଶରୁ ୫୦ ଶିକ୍ଷାବିତ୍ ଏଥିରେ ସାମିଲ ହେବେ । ଆଜି(ମଙ୍ଗଳବାର) ସରଗି ଫୁଲ ମହୋତ୍ସବର ଉଦଘାଟନ ସମାରୋହରେ ଏହା ଘୋଷଣା କରିଛନ୍ତି ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନର ଉପଦେଷ୍ଟା ଉପେନ୍ଦ୍ର ତ୍ରିପାଠୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିଳ୍ପ ପରି ଶିକ୍ଷା, ସ୍ୱାସ୍ଥ୍ୟ ଓ କୃଷି ପାଇଁ ମଧ୍ୟ କନକ୍ଲେଭ କରିବାକୁ ଲକ୍ଷ୍ୟ ରଖିଛନ୍ତି । ଏନେଇ ମୁଖ୍ୟ ଶାସନ ସଚିବ ସବୁ ବିଭାଗ ସହ ବୈଠକ କରି ତାରିଖ ସ୍ଥିର କରିଛନ୍ତି । ଏଥିରେ ଗୋଟେ କନଫରେନ୍ସ ଓ ଇଭେଣ୍ଟସ କର୍ନର ବି ହେବ । ଯେଉଁଥିରେ ପ୍ରାଥମିକ ଶିକ୍ଷା, ଉଚ୍ଚଶିକ୍ଷା, ସ୍ୱାସ୍ଥ୍ୟ ଶିକ୍ଷା ଓ କୃଷି ଶିକ୍ଷା ସାମିଲ ରହିବ ବୋଲି ସେ ସୂଚନା ଦେଇଛନ୍ତି ।
ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନର ଉପଦେଷ୍ଟା ଉପେନ୍ଦ୍ର ତ୍ରିପାଠୀ କହିଛନ୍ତି, ''ଓଡ଼ିଶାରେ ଶିକ୍ଷା କ୍ଷେତ୍ରରେ ଅନେକ ନୂଆ କାର୍ଯ୍ୟ ହୋଇଛି । ଯେପରି ହାଇସ୍କୁଲ 5T ରୂପାନ୍ତର, ଆଦର୍ଶ ବିଦ୍ୟାଳୟ, ମୋ ସ୍କୁଲ, ମୋ କଲେଜ କାର୍ଯ୍ୟକ୍ରମ । ରାଜ୍ୟ ସରକାର 1000 କୋଟି ପୁଞ୍ଜି ନିବେଶ ଚାହୁଁଛନ୍ତି । କେବଳ ଅର୍ଥ ନୁହେଁ, ଏଥିରେ ଅଭିଭାବକ, ଶିକ୍ଷକମାନେ ମଧ୍ୟ ଅଧିକ ସମୟ ନିବେଶ କରିପାରିବେ । ଯେହେତୁ ବଡ଼ ନିବେଶ ଆଶା କରୁଛୁ, ନୂଆ ନୂଆ ବିଶ୍ଵବିଦ୍ୟାଳୟମାନଙ୍କୁ ସ୍ୱାଗତ । ଏହା ଏହା ବ୍ଲକ ଚେନ ଟେକନୋଲୋଜି ଅର୍ଟିଫିଶିଆଲ ଇଣ୍ଟିଲଜେଂଶ, ରୋବୋଟିକ ପରି ନୂଆ ନୂଆ କ୍ଷେତ୍ର ଆସିବ । ଏହି କନକ୍ଲେଭରେ ଅନ୍ୟ ରାଜ୍ୟଗୁଡିକ ମଧ୍ୟ ଯୋଗ ଦେବେ ।''