ଖୋର୍ଦ୍ଧା: ବିପର୍ଯ୍ୟସ୍ତ ଟ୍ରାଫିକ ବ୍ୟବସ୍ଥାରେ ହନ୍ତସନ୍ତ ସହରବାସୀ । ବ୍ୟାପକ ସଚେତନତା କାର୍ଯ୍ୟକ୍ରମ ସତ୍ତ୍ବେ ଦୁର୍ଘଟଣା କମିବାର ନାଁ ଧରୁନି । ଖୋର୍ଦ୍ଧାକୁ ରାଜ୍ୟ ସରକାରଙ୍କର ସଡକ ପରିବହନ ବିଭାଗ, ଦୁର୍ଘଟଣା ପ୍ରବଣ ଜିଲ୍ଲା ଭାବେ ଘୋଷଣା କରିଥିବା ସତ୍ତ୍ବେ ସହରରେ ଟ୍ରାଫିକ ବ୍ୟବସ୍ଥାରେ ସୁଧାର ଆସିପାରୁନାହିଁ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସହରରେ ଜବରଦଖଲର ରାଜ୍ ଓ ଅନେକ ବ୍ୟବସାୟୀ ରାସ୍ତାକୁ ଲାଗି ବ୍ୟବସାୟ କରୁଥିବାବେଳେ ପାର୍କିଙ୍ଗର ଅସୁବିଧା ଦେଖାଦେଇଛି । ମାତ୍ର ଏନେଇ ପୌରପରିଷଦ କିଛି ପଦକ୍ଷେପ ଗ୍ରହଣ କରିନାହିଁ । ତେଣୁ ସହରର ପୁରୁଣା ଡାକ୍ତରଖାନା ରାସ୍ତା, ପୁରୁଣା ବସଷ୍ଟାଣ୍ଡ, ବଡ଼ ବଜାର, ଥାନା ରାସ୍ତା ଏବଂ ପଲା ଛକ ଗୁଡିକରେ ଟ୍ରାଫିକ ସମସ୍ୟା ବିଗିଡିବାରେ ଲାଗୁଛି ।