ଭୁବନେଶ୍ବର: ଆସନ୍ତା ୨୯ରେ ଓଡିଶାରେ ଶପଥ ନେବେ ନୂଆ ସରକାର । ସଜେଇ ହେଉଛି ଭୁବନେଶ୍ବରର ଇଡକୋ ପ୍ରଦର୍ଶନୀ ପଡିଆ । କାରଣ ଏଥର ରାଜଭବନ ନୁହେଁ ପ୍ରଦର୍ଶନୀ ପଡିଆରେ ହେବ ଶପଥ ଉତ୍ସବ କାର୍ଯ୍ୟକ୍ରମ । ସେଥିପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ଉତ୍ସବରେ ଦେଶର ବହୁ ନାମୀଦାମୀ ଶିଳ୍ପପତି ଯୋଗଦେବା ସହ ପ୍ରାୟ ପାଞ୍ଚ ହଜାର ଜନସାଧାରଣ ସାମିଲ ହେବାର କାର୍ଯ୍ୟକ୍ରମ ରହିଛି । ଏଥିପାଇଁ ପ୍ରଦର୍ଶନୀ ପଡିଆକୁ ସମ୍ପୂର୍ଣ୍ଣ ରୂପରେ ସୁରକ୍ଷା କଡାକଡି କରାଯାଇଥିବା ବେଳେ ବିଭିନ୍ନ ସ୍ଥାନରେ ସିସିଟିଭି କ୍ୟାମେରା ଲଗାଯିବାର ବ୍ୟବସ୍ଥା କରାଯାଇଛି । ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି ପୋଲିସ ମହାନିର୍ଦ୍ଦେଶକ ରାଜେନ୍ଦ୍ର ପ୍ରସାଦ ଶର୍ମା, ପୋଲିସ କମିଶନର, ଡିସିପି ଏବଂ ଅନ୍ୟ ପୋଲିସ ଅଧିକାରୀ ।