ଶୃଙ୍ଖଳା କମିଟିକୁ ଆଜି ଉତ୍ତର ଦେବି: ସୁର ରାଉତରାୟ
ଭୁବନେଶ୍ବର: ପିସିସି ଶୃଙ୍ଖଳା କମିଟିକୁ ଆଜି ଉତ୍ତର ପଠାଇବି ବୋଲି କହିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ପଦ୍ମପୁର ଉପନିର୍ବାଚନ ଫଳାଫଳ ପରେ ଦଳର ଭୋଟବ୍ୟାଙ୍କ ଓ ଆଭିମୁଖ୍ୟକୁ ନେଇ ପ୍ରଶ୍ନ କରିଥିବା ବିଧାୟକ ସୁର ରାଉତରାୟଙ୍କୁ ଗତକାଲି କାରଣ ଦର୍ଶାଅ ନୋଟିସ ଜାରି କରିଥିଲା କମିଟି ।
ଏହାକୁ ନେଇ ଆଜି ବିଧାୟକ ସୁର କହିଛନ୍ତି, ‘‘ଚିଠିରେ କଣ ଅଛି ପଢିନାହିଁ । ଆଜି ମୁଁ ମୋର ଉତ୍ତର ଦେବି । ଏଆଇସିସି ଯାହା ନିଷ୍ପତ୍ତି ନେବ ମୁଁ ଖୁସିରେ ଗ୍ରହଣ କରିବି । ମୁଁ କଂଗ୍ରେସର ମୁଁ ଜଣେ ସଚ୍ଚା କର୍ମୀ । କଂଗ୍ରେସରୁ ରାଜନୀତି ଜୀବନ ଆରମ୍ଭ କଂଗ୍ରେସରେ ଶେଷ କରିବି । ମୁଁ ଦଳର ପରାଜୟ, କଂଗ୍ରେସର ଭୋଟ ଗଲା କୁଆଡେ ବୋଲି ପ୍ରଶ୍ନ କରିଥିଲି, ତାର ସମୀକ୍ଷା କରି ତୁରନ୍ତ ବିହୀତ ପଦକ୍ଷେପ ଗ୍ରହଣ କରିବାକୁ ମୁଁ କହିଥିଲି ।’’