କୂଅରେ ପଡି ନାବାଳକ ମୃତ

ଖୋର୍ଦ୍ଧା ଟାଙ୍ଗୀ ବ୍ଲକ ବରଡି ଗାଁରେ ଅଘଟଣ । ଖେଳୁଥିବା ସମୟରେ କୂଅରେ ପଡି ନାବାଳକ ମୃତ ।

ଖୋର୍ଦ୍ଧା: କୂଅରେ ପଡି ନାବାଳକ ମୃତ୍ୟୁ । ମୃତ ନାବାଳକ ଜଣକ ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ହାଟ ବରଡି ଗାଁର ପୂର୍ଣ୍ଣଚନ୍ଦ୍ର ବେହେରାଙ୍କ ପୁଅ ଲିପୁ ବେହେରା । ଖେଳୁଥିବା ସମୟରେ କୂଅରେ ପଡିଯାଇଥିବା ସୂଚନା ।

ସୂଚନାଯୋଗ୍ୟ, ଗତକାଲି ନାବାଳକ ଜଣକ ଘର ପଛ ପାଖରେ ସାଙ୍ଗସାଥୀମାନଙ୍କ ସହ ଖେଳୁଥିଲେ । ହେଲେ ଅକସ୍ମାତ ସେ କୂଅରେ ପଡିଯାଇଥିଲେ । ହେଲେ ଏହି ଘଟଣା ବିଷୟରେ କେହି ଜାଣି ପାରିନଥିଲେ । ପରେ ପରିବାର ଲୋକେ ବହୁ ଖୋଜାଖୋଜି କଲା ପରେ କୂଅ ଭିତରୁ ମୃତ ଦେହକୁ ଉଦ୍ଧାର କରାଯାଇଥିଲା । ଏହାପରେ ତୁରନ୍ତ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ