ଖୋର୍ଦ୍ଧା : ଖଣି ଓ ଡ୍ରଗ୍ସ ମାଫିଆର ବିଳାସପୂର୍ଣ୍ଣ ଘର ଉପରେ ମାଡିଲା ବୁଲଡୋଜର । ସରକାରୀ ଜମିରେ ବେଆଇନ ଘର କରିବା ସହ ନିଶା କାରବାର କରୁଥିଲା ଛୋଟା ଓରଫ ଶୁଭ୍ରାଂଶୁ ପରିଡା । ଖୋର୍ଦ୍ଧା ତହସିଲର ଗୁରୁଜଙ୍ଗ ଜବରଦସ୍ତପୁର ଠାରେ ପ୍ରାୟ ଏକ କୋଟି ଟଙ୍କା ବ୍ୟୟରେ ନିର୍ମାଣ ହୋଇଥିବା କୋଠାକୁ ଖୋର୍ଦ୍ଧା ଉପଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଆଜି ତହସିଲଦାର ବୁଲଡୋଜର ଚଢାଇ ଭାଙ୍ଗିଛନ୍ତି।
ଭିଡିଓ ସୌଜନ୍ୟ:ପ୍ରତିନିଧି, ଖୋର୍ଦ୍ଧା
ଆଇନଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ତିନି ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି। ଦିର୍ଘ ତିନି ବର୍ଷ ହେଲା ଏହି ଘରେ ଛୋଟା ବେଆଇନ ଭାବେ ନିଶା ଓ ଖଣି ବ୍ୟବସାୟ ଚଳାଉଥିଲା । ପାଖାପାଖି 400 ଡ଼ିସିମିଲ ସରକାରୀ ଜାଗାକୁ ଜୋର ଜବରଦସ୍ତ କବଜା କରି ଘରେ ଶୀତତାପ ନିୟନ୍ତ୍ରଣ ସହ ସୁଇମିଂପୁଲ ଓ ବିଦେଶୀ କୁକୁରରେ ଚକମକ ଘର କରିଥିଲା ଖଣି ମାଫିଆ ଛୋଟା ।