ଅଟ୍ରି ଉଷ୍ମ ପ୍ରସ୍ରବଣରେ ମକର ମହୋତ୍ସବ

ପଞ୍ଚମ ବର୍ଷରେ ପହଞ୍ଚିଥିବା ଏହି ମକର ଉତ୍ସବକୁ ମୁଖ୍ୟ ଅତିଥି ଭାବେ ରାଜ୍ୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଶ୍ରୀଯୁକ୍ତ ଅଶୋକ ଚନ୍ଦ୍ର ପଣ୍ଡା ଉଦଘାଟିତ କରିଛନ୍ତି ।

ଖୋର୍ଦ୍ଧା: ଓଡ଼ିଆ ସଂସ୍କୃତି ଓ ପରମ୍ପରାରେ ଅଙ୍ଗାଙ୍ଗି ଭାବେ ଯୋଡି ହୋଇ ରହିଛି ବାର ମାସରେ ତେର ପର୍ବ । ବୁଧବାର ମକର ସଂକ୍ରାନ୍ତି ପାଇଁ ଖୋର୍ଦ୍ଧା ଅଟ୍ରିରେ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଥିବାବେଳେ ହଟକେଶ୍ବର ମକର ମହୋତ୍ସବ ପାଇଁ ମଧ୍ୟ ଲୋକଙ୍କ ଉତ୍କଣ୍ଠା ଦେଖିବାକୁ ମିଳିଛି ।

ଖୋର୍ଦ୍ଧାର ଅଟ୍ରି ଉଷ୍ମ ପ୍ରସ୍ରବଣସ୍ଥଳୀରେ ଉଦଘାଟିତ ହୋଇଛି ମକର ମହୋତ୍ସବ । ପଞ୍ଚମ ବର୍ଷରେ ପହଞ୍ଚିଥିବା ଏହି ମକର ଉତ୍ସବକୁ ମୁଖ୍ୟ ଅତିଥି ଭାବେ ରାଜ୍ୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଶ୍ରୀଯୁକ୍ତ ଅଶୋକ ଚନ୍ଦ୍ର ପଣ୍ଡା ଉଦଘାଟିତ କରିଛନ୍ତି ।

ମହୋତ୍ସବ ସନ୍ଧ୍ୟା 6ଘଟିକା ସମୟରେ ଆରମ୍ଭ ହେବାକୁ ଥିବାବେଳେ ଏହାକୁ ଉପଭୋଗ କରିବା ପାଇଁ ଦୂର ଦୁରାନ୍ତରୁ ବହୁ ଦର୍ଶକ ଆସିଥିଲେ । ମାତ୍ର ନିର୍ଦ୍ଧାରିତ ସମୟର ପ୍ରାୟ ତିନି ଘଣ୍ଟା ବିଳମ୍ବରେ କାର୍ଯ୍ୟକ୍ରମ ଆରମ୍ଭ ହୋଇଥିବାରୁ ବହୁ ଦର୍ଶକ ଏହାକୁ ଉପଭୋଗ କରି ନପାରି ନିରାଶ ହୋଇ ଫେରିଛନ୍ତି ।

ଉତ୍ସବରେ ମୁଖ୍ୟ ବକ୍ତା ଭାବେ ଖୋର୍ଦ୍ଧା ଉପଜିଲ୍ଲାପାଳ ଶାନ୍ତନୁ କୁମାର ମହାନ୍ତି ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବେ ସ୍ଥାନୀୟ ବିଡ଼ିଓ,ବ୍ଲକ ଅଧକ୍ଷା, ଉପାଧ୍ୟକ୍ଷା ପ୍ରମୁଖ ଯୋଗ ଦେଇଥିଲେ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ ।