ଖୋର୍ଦ୍ଧା: ବୋଲଗଡ଼ ବ୍ଲକରୁ ଆସିଛି ଏନଆରଇଜିଏ( NREGA) ଯୋଜନାରେ ହୋଇଥିବା ସାଙ୍ଘାତିକ ଘୋଟାଲାର ଚିତ୍ର । ଜିଲ୍ଲାର ପଞ୍ଚାୟତ ରାସ୍ତା ନିର୍ମାଣରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ ହୋଇଛି । ଏହାର ତଦନ୍ତ ଦାବି କରିଛନ୍ତି ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ ବଡ଼କୁମାରୀ ପଂଚାୟତର ଡିହଖଉରୁଣୀ ଗ୍ରାମବାସୀ ।
NREGA କେଳେଙ୍କାରୀ: ରାସ୍ତା ନିର୍ମାଣରେ ବ୍ୟାପକ ଅର୍ଥ ହଡପ ଅଭିଯୋଗ
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ଦଶ ବର୍ଷ ପୂର୍ବେ ଡିହଖଉରୁଣୀ ଗ୍ରାମରେ ସିମେଣ୍ଟ କଂକ୍ରିଟ ରାସ୍ତା ହୋଇଥିଲା । କିନ୍ତୁ ରାସ୍ତା ଉପରେ ବର୍ଷା ଦିନେ ଆଣ୍ଠୁଏ ଉଚ୍ଚର ପାଣି ଜମିରହୁଥିହାରୁ ଯାତାୟତରେ ସମସ୍ୟା ଉପୁଜୁଥିଲା । ଆଗକୁ ପଂଚାୟତ ନିର୍ବାଚନ ଥିବାରୁ ଏହି ରାସ୍ତା ପାଇଁ ଲୋକେ ବାରମ୍ବାର ଅଭିଯୋଗ କରିଥିଲେ ।