ଖୋର୍ଦ୍ଧା: ଦୀର୍ଘଦିନ ଧରି ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟର ଲିଫ୍ଟ ଅଚଳ ହୋଇପଡିଛି। ଏଥିଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ରୋଗୀ। ଖାଲି ସେତିକି ନୁହେଁ, ଏଠାରେ ଗୋଟିଏ ପରେ ଗୋଟିଏ ସମସ୍ୟା ଉପୁଜୁଥିବାରୁ ଏଠାକୁ ଆସୁଥିବା ରୋଗୀ ଏବଂ ତାଙ୍କ ସମ୍ପର୍କୀୟ ନାନା ସମସ୍ୟାର ସମ୍ମୁଖୀନ ହେଉଛନ୍ତି।
ଭିଡିଓ ସୌଜନ୍ଯ: ପ୍ରତିନିଧି ଖୋର୍ଦ୍ଧା
ସୂଚନା ଅନୁଯାୟୀ, 2017 ମସିହା ଡ଼ିସେମ୍ବର ମାସରେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ 100 ଶଯ୍ୟା ବିଶିଷ୍ଟ ମାତୃ ଓ ଶିଶୁ ସ୍ୱାସ୍ଥ୍ୟ କେନ୍ଦ୍ର ପ୍ରତିଷ୍ଠା କରାଯାଇଥିଲା। କିନ୍ତୁ ଅଳ୍ପ କିଛି ଦିନ ପରେ ଚିକିତ୍ସାଳୟର ଦୁଇଟି ଲିଫ୍ଟ ଅଚଳ ହୋଇପଡିଛି। ପ୍ରସବ ପାଇଁ ଆସୁଥିବା ଗର୍ଭବତୀ ମା’ ମାନେ ପ୍ରସବଗୃହ, ଅସ୍ତ୍ରୋପଚାର ଗୃହକୁ ଯିବାପାଇଁ ସିଡ଼ିରେ ଯିବା ଆସିବା କରି ନାହିଁ ନଥିବା ଅସୁବିଧା ଭୋଗୁଛନ୍ତି।