ଭୁବନେଶ୍ବର: କଲେଜରେ ଅଧ୍ୟାପକମାନେ ୭ ଘଣ୍ଟା ରହିବା ବାଧ୍ୟତାମୂଳକ । କିନ୍ତୁ ଏବେ ଏହାକୁ ବିରୋଧ କରିଛନ୍ତି ଅଧ୍ୟାପକ । ୭ ଘଣ୍ଟା ଡ୍ୟୁଟିକୁ ନେଇ ଅଧ୍ୟାପକ ଏବଂ ସରକାର ମୁହାଁମୁହିଁ । ସମାନ କାମକୁ ସମାନ ପାରିଶ୍ରମିକ ଦାବି କରି ସରକାରଙ୍କୁ ପୁନଃବିଚାର ପାଇଁ ଅନୁରୋଧ କରିଛନ୍ତି ଅଧ୍ୟାପକ ସଂଘ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସରକାର ପ୍ରଥମେ ଅଧ୍ୟାପକଙ୍କ ଦାବି ପୂରଣ କରି ସମାନ କାମକୁ ସମାନ ପାରିଶ୍ରମିକ ଦିଅନ୍ତୁ । ଏହାଛଡା ସରକାର ସମସ୍ତ କଲେଜର ଭିତ୍ତିଭୂମିକୁ ପ୍ରଥମେ ସଜାଡିବା ପରେ ଆମେ ସରକାରଙ୍କ ସମସ୍ତ ନିୟମ କାନୁନ ମାନିବା ପାଇଁ ପ୍ରସ୍ତୁତ ବୋଲି କହିଛନ୍ତି ରାଜ୍ୟ ଅଧ୍ୟାପକ ସଂଘ ସଭାପତି ଗୋଲକ ନାୟକ । ବର୍ଷବର୍ଷ ଧରି ଅନେକ ଅଧ୍ୟାପକ ଦରମା ପାଇନଥିବାବେଳେ ମାସେ ମଧ୍ୟରେ ଏହାର ସମାଧାନ କରାଯାଉ ଓ ଜଣଙ୍କର ଦରମା 1 ଲକ୍ଷ ବେଳେ ଅନ୍ୟଜଣଙ୍କର ଦରମା 5ହଜାର ଭଳି ପାତରଅନ୍ତର ସମସ୍ୟାକୁ ବନ୍ଦ କରାଯାଉ ବୋଲି ଦାବି କରିଛନ୍ତି ସେ ।