ଭୁବନେଶ୍ବର: ରାଜଧାନୀର ରାଜରାସ୍ତାରେ ସରକାରଙ୍କ ବିରୋଧରେ ଗର୍ଜିଲେ ଅଧ୍ୟାପକ ସଂଘ । ଚାକିରୀ ସର୍ତ୍ତାବଳୀ ସହ ପୂର୍ଣ୍ଣ ଅନୁଦାନ ପ୍ରାପ୍ତିକୁ ନେଇ ଧାରଣାରେ ବେସରକାରୀ ଅନୁଦାନ ମହାବିଦ୍ୟାଳୟର ଶିକ୍ଷକ ସଂଘ । ସ୍ଥାୟୀ ନିଯୁକ୍ତି ଓ ସମାନ କାମକୁ ସମାନ ଦରମା ଦାବିରେ ରାଜରାସ୍ତାକୁ ଓହ୍ଳାଇଛି ସଂଘ । ତେବେ ଓଡ଼ିଶାର ସମସ୍ତ ଜିଲ୍ଲାରେ ବେସରକାରୀ ଅନୁଦାନ ଅଣ ଅନୁଦାନ ମହାବିଦ୍ୟାଳୟରେ ତଥା ସଂସ୍କୃତ ଅନୁଷ୍ଠାନମାନଙ୍କରେ ପରିଚାଳନା କମିଟି ଦ୍ୱାରା ୨୦୦୮ ରିଖ ଠାରୁ ୨୦୧୩ ରିଖ ମଧ୍ୟରେ ନିଯୁକ୍ତି ପାଇଥିବା ସମସ୍ତ ଅଧ୍ୟାପକ, ଅଧ୍ୟାପିକା । ଆଜିକୁ ୧୫ ବର୍ଷ ଧରି ଛାତ୍ରଛାତ୍ରୀଙ୍କ ଶିକ୍ଷାରେ ନିୟୋଜିତ ରହିଛନ୍ତି । ହେଲେ ଏମାନଙ୍କୁ ଆଜି ପର୍ଯ୍ୟନ୍ତ ସରକାରୀ ମାନ୍ୟତା ମିଳିନାହିଁ । ତେଣୁ ଏମାନେ ସ୍ଥାୟୀ ନିଯୁକ୍ତିକୁ ନେଇ ଅନେକ ଦିନ ଧରି ସରକାରଙ୍କ ପାଖରେ ନିଜର ଦାବି ଉପସ୍ଥାପନା କରିଆସୁଛନ୍ତି । ହେଲେ ଏଯାବତ ଏମାନଙ୍କ ଦାବିକୁ ନେଇ କିଛି ସୁଫଳ ମିଳିପାରିନାହିଁ ।
ଆନ୍ଦୋଳନରତ ଅଧ୍ୟାପକ ଚିତ୍ରସେନ ପଣ୍ଡା କହିଛନ୍ତି, ‘‘୨୪ ଜୁନ ୨୦୨୩ରେ ଉଚ୍ଚଶିକ୍ଷା ବିଭାଗ ତରଫରୁ ଏକ ନୂତନ ଅନୁଦାନ ନୀତିର ପ୍ରକ୍ରିୟା କାରଣ ପାଇଁ ଚିଠି ପ୍ରକାଶ ପାଇଥିଲା । ଯେଉଁଥିରେ ଅଧ୍ୟାପକମାନଙ୍କର ଦାବି ପୁରାଣ କରାଯାଇଥାନ୍ତା । କିନ୍ତୁ ପରା ମୁହୁର୍ତ୍ତରେ ୨୮ଜୁନ ୨୦୨୩ରେ ମନ୍ତ୍ରୀସ୍ତରୀୟ କମିଟିରେ ବିଚାରଧୀନ ଅଛି କହି ଚିଠିକୁ ପ୍ରତ୍ୟାହାର କରିଥିଲେ । ଏହା ପରେବି ମନ୍ତ୍ରୀ ସ୍ତରୀୟ ବୈଠକ ବସିଛି ହେଲେ କୌଣସି ପଦକ୍ଷେପ ନିଆଯାଇନାହିଁ । ଏହାକୁ ନେଇ ପୁଣି ୧୮ ଅଗଷ୍ଟ ୨୦୨୩ ରୁ ସଂଘ ଲୋୟର ପିଏମଜିରେ ଧାରଣା ଦେଇଆସୁଛି । ହେଲେ ୭୫ ଦିନର ଧାରଣା ପରେବି ପୂରଣ ହେଇପାରୁନି ଦାବି । ବାରମ୍ବାର ପ୍ରତିଶୃତିକୁ ବିରୋଧ କରି ସଂଘ ଆନ୍ଦୋଳନକୁ ଓହ୍ଲାଇଛି । ଯେହେତୁ ଆମେମାନେ ସରକାରୀ ଅନୁଦାନ ଶିକ୍ଷକଙ୍କ ପରି ସରକାରୀଙ୍କ କାର୍ଯ୍ୟ ଠାରୁ ଆରମ୍ଭ କରି ଶିକ୍ଷାଦାନ ପର୍ଯ୍ୟନ୍ତ ପ୍ରତିଟି କାର୍ଯ୍ୟରେ ସାମିଲ ହେଉଛୁ । କିନ୍ତୁ ସରକରା ଆମଦାବି ପୂରଣ କରୁନାହାନ୍ତି । ଯଦି ସରକାର ଦାବି ପୂରଣ ନକରନ୍ତି ତେବେ ଆଗମୀ ନିର୍ବାଚନରେ ଏହାର ପ୍ରଭାବ ପଡିବ ବୋଲି ଚେତାବନୀ ଦେଇଛନ୍ତି ।’’