ଖୋର୍ଦ୍ଧା: ସୂର୍ଯ୍ୟଙ୍କ ପ୍ରକୋପ ଦିନକୁ ଦିନ ବୃଦ୍ଧି ପାଉଛି । ଆଉ ଏହାର ପ୍ରଭାବରେ ଜନଜୀବନ ଅସ୍ତବ୍ୟସ୍ତ । ଖୋର୍ଦ୍ଧା ସହରରେ ପାରଦ 40ଡିଗ୍ରୀ ଉପରେ ଥିବାବେଳେ ସକାଳ 9ଟା ରୁ ଦିନ 5ଟା ପର୍ଯ୍ୟନ୍ତ ଲୋକେ ଘରୁ ବାହାରିବା ମୁସ୍କିଲ ହୋଇଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ପ୍ରଚଣ୍ଡ ରୌଦ୍ରତାପରେ ଜଳୁଛି ସହର କଲବଲ ହେଉଛନ୍ତି ଲୋକେ । ଦିନ 10ଟା ପରେ ପ୍ରବଳ ଝାଞ୍ଜି ପବନ ଓ ମୁଣ୍ଡ ଫଟା ଖରାରେ ରାସ୍ତାଘାଟ ସୁନସାନ । ଜରୁରୀ କାମ ପଡିଲେ ଘରୁ ପଦାକୁ ବାହାରିବା ପୂର୍ବରୁ ମୁଣ୍ଡରେ ଛତା, ଆଖିରେ କଳା ଚଷମା ଓ ହାତରେ ପାଣି ବୋତଲ ନେବାକୁ ଭୁଲୁନାହାନ୍ତି ଲୋକେ । ଅସହ୍ୟ ତାତି ଓ ଗୁଳୁଗୁଳି ସମୟରେ ତୃଷ୍ଣା ମେଣ୍ଟାଇବା ପାଇଁ କିଏ ଆଖୁରସର ସାହାରା ନେଉଛି ତ ଆଉ କିଏ ତରଭୁଜ ଖାଇ ନିଜର ତୃଷ୍ଣା ମେଣ୍ଟାଉଛି ।