ଗଞ୍ଜେଇ ଚୋରାଚାଲାଣ ଉଦ୍ୟମ ପଣ୍ଡ, 4 ଚାଲାଣକାରୀଙ୍କୁ ବାନ୍ଧିଲା ପୋଲିସ

ଖୋର୍ଦ୍ଧା ଆଦର୍ଶ ଥାନା ପୋଲିସ ଜାତୀୟ ରାଜପଥ 16 ନମ୍ବରରୁ 4 ଜଣ ଗଞ୍ଜେଇ ଚାଲାଣକାରୀଙ୍କୁ ବାନ୍ଧିଛି ପୋଲିସ। ସେମାନଙ୍କ ନିକଟରୁ 21କିଲୋରୁ ଊର୍ଦ୍ଧ୍ବ ଗଞ୍ଜେଇ ଜବତ କରାଯାଇଛି ।

ଖୋର୍ଦ୍ଧା: ଗଞ୍ଜେଇ କାରବାର ବେଳେ 4ଜଣଙ୍କୁ ବାନ୍ଧିଲା ପୋଲିସ । 16 ନମ୍ବର ଜାତୀୟ ରାଜପଥ ଖୋର୍ଦ୍ଧା ଆଦର୍ଶ ଥାନା ପୋଲିସ ଚଢାଉ କରି 21 କିଲୋରୁ ଊର୍ଦ୍ଧ୍ବ ଗଞ୍ଜେଇ ଜବତ କରିଛି । ଏଥିସହ 4ଜଣ ଜଣଙ୍କୁ ଗିରଫ କରିଛି । ସେମାନଙ୍କ ନିକଟରୁ ଗୋଟିଏ ମାରୁତି କାର, ଗୋଟିଏ ପଲସର ବାଇକ ଓ 3ଟି ମୋବାଇଲ ଜବତ କରିଛି ପୋଲିସ ।

ସୂଚନା ଅନୁଯାୟୀ, ଶନିବାର 16ନଂ ଜାତୀୟ ରାଜପଥରେ ପୋଲିସ ପାଟ୍ରୋଲିଙ୍ଗ କରିବା ସମୟରେ ଜିଲ୍ଲାପାଳଙ୍କ କାର୍ଯ୍ୟାଳୟ ନକଟରେ ଗଞ୍ଜେଇ ଚୋରାଚାଲାଣ ହେଉଥିବା ଖବର ପାଇଥିଲା । ଅଚାନକ ଚଢାଉ କରି ସେମାନଙ୍କୁ ଗିରଫ କରିଛି ପୋଲିସ । ଗିରଫ ଅପରାଧି ମାନେ ହେଲେ ସପନ କୁମାର ମହାପାତ୍ର, ଯଜ୍ଞଦତ୍ତ ପଣ୍ଡା,ସଚିନ ସାହୁ ଓ ମନୋଜ ବରିସଲ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ