ଖୋର୍ଦ୍ଧା: ଲୋକମାନଙ୍କ ନିକଟତର ହେବା ପାଇଁ କିଛି ଦିନ ପୂର୍ବେ ରାଜ୍ୟସରକାର ଆରମ୍ଭ କରିଥିଲେ ଏକ ମହତ୍ବକାଂକ୍ଷୀ କାର୍ଯ୍ୟକ୍ରମ ଜିଲ୍ଲାପାଳଙ୍କ ଜନଶୁଣାଣି । ସପ୍ତାହର ପ୍ରତ୍ୟକ ସୋମବାର ସାଧାରଣ ଲୋକଙ୍କ ଅଭିଯୋଗ ଶୁଣିବ ପ୍ରଶାସନ । କିନ୍ତୁ ଆଜି ଖୋର୍ଦ୍ଧା ବୋଲଗଡ ବ୍ଳକ ପରିସରରେ ଚାଲିଥିବା ଜିଲ୍ଲାପାଳଙ୍କ ଜନଶୁଣାଣିରେ ଦେଖିବାକୁ ମିଳିଥିଲା ବ୍ୟକ୍ତିକ୍ରମ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଖୋଦ ଜିଲ୍ଲାପାଳ ଏହି ଶିବିରରେ ଅନୁପସ୍ଥିତ ରହିଥିଲେ । ଫଳରେ ଆଖପାଖ ଅଞ୍ଚଳରୁ ଅଭିଯୋଗ ଆଣି ଆସିଥିବା ଜନସାଧାରଣ ମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ଶିବିରକୁ ମୋଟ ୧୩୫ଟି ଅଭିଯୋଗ ଆସିଥିବା ବେଳେ ବ୍ୟକ୍ତିଗତ ୧୩୨ଟି ଓ ସାମୁହିକ ୩ ଅଭିଯୋଗ ରହିଥିଲା । ସେଥିମଧ୍ୟରୁ ୮ଜଣ ରେଡକ୍ରସ ଓ ୪ଜଣଙ୍କୁ ଭିନ୍ନକ୍ଷମଙ୍କୁ ଭତ୍ତା ସହାୟତା ପ୍ରଦାନ କରାଯାଇଥିଲା ।