ଖୋର୍ଦ୍ଧା : ସାରା ବିଶ୍ୱ ପାଇଁ ଏବେ ବଡ ବିପତ୍ତି ଭାବେ ଉଭା ହୋଇଛି କରୋନା ମହାମାରୀ । ଏହାର ମୁକାବିଲା କରିବା ପାଇଁ ସରକାରଙ୍କ ଠାରୁ ଆରମ୍ଭ କରି ଡାକ୍ତର , ପୋଲିସ ଓ ସ୍ୱାସ୍ଥ୍ୟକର୍ମୀ ମାନେ ଦିନରାତି ଏକାକାର କରିଦେଇଥିବା ବେଳେ ଏହି ଯୁଦ୍ଧରେ ସାମିଲ ହୋଇଛନ୍ତି ଜୀବିକା ମିଶନ ଦ୍ୱାରା ପରିଚାଳିତ ସ୍ୱୟଂ ସହାୟକ ଗୋଷ୍ଠୀ ।
କୋରୋନା ମୁକାବିଲାରେ ମହିଳା ଯୋଦ୍ଧା
କରୋନା ମହାମାରୀ ସମ୍ପର୍କରେ ସଚେତନତା କରିବା ପାଇଁ ସେମାନେ ଘର ଘର ବୁଲି ଲୋକଙ୍କୁ ଘରେ ରହିବା ସହ , ହାତକୁ ବାରମ୍ବାର ସାବୁନରେ କିପରି ଧୋଇବେ ସେ ବିଷୟରେ ସଚେତନ କରୁଛନ୍ତି । ସେହିପରି ନିଜେ ପ୍ରସ୍ତୁତ କରିଥିବା ମାସ୍କକୁ ବିନା ମୂଲ୍ୟରେ ଗାଁ ଗାଁରେ ବାଣ୍ଟି ସଚେତନ କରୁଥିବା ଦୃଶ୍ୟ ଶନିବାର ଦେଖିବାକୁ ମିଳିଛି ଖୋର୍ଦ୍ଧା ଜିଲା ବେଗୁନିଆ ବ୍ଲକ ଗୋବିନ୍ଦପୁର ଗ୍ରାମ ପଞ୍ଚାୟତରେ ।