Z1 ବିଲଡରଙ୍କ ଘରେ ଆୟକର ବିଭାଗର ଚଢାଉ

ଆୟକର ଫାଙ୍କିଛି Z1 ବିଲଡର ସଂସ୍ଥା । ଏହି ଅଭିଯୋଗରେ Z1 ଗ୍ରୁପରେ ଚଢାଉ କରିଛି ଆୟକର ବିଭାଗ ।

ଭୁବନେଶ୍ବର: ଜେଡ ଇଷ୍ଟେଟ ଗ୍ରୁପରେ ଆୟକର ବିଭାଗର ଚଢାଉ । କଟକ-ଭୁବନେଶ୍ବରର ୭ ଟି ସ୍ଥାନରେ ଚଢାଉ କରିଛି ଆୟକର ବିଭାଗ । ଆୟକର ଫାଙ୍କିବା ଅଭିଯୋଗରେ ମାଲିକ ତପନ ମହାନ୍ତିଙ୍କ ଘରେ ମଧ୍ୟ ଚଢ଼ାଉ କରାଯାଇଥିବା ସୂଚନା ମିଳିଛି ।

ସୂଚନା ଅନୁଯାୟୀ, ଜେଡ ୧ ଇଷ୍ଟେଟ ଗ୍ରୁପ ଅଫ କମ୍ପାନୀର ମୁଖ୍ୟ ତପନ ମହାନ୍ତିଙ୍କ ଓଡିଶା ସମେତ ଦିଲ୍ଲୀ, କଟକ, ଭୁବନେଶ୍ବରର ବିଭିନ୍ନ ବାସଭବନ ତଥା ଅଫିସରେ ଆୟକର ବିଭାଗ ପକ୍ଷରୁ ଚଢ଼ାଉ କରି ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଛି । ଶ୍ରୀ ମହାନ୍ତି ଦୀର୍ଘ ବର୍ଷ ଧରି ଜେଡ ୧ ବିଲଡର ସଂସ୍ଥା ଖୋଲିଥିବାବେଳେ ଆୟକର ଫାଙ୍କୁଥିବା ଅଭିଯୋଗ ହୋଇଥିଲା ।

ଅଭିଯୋଗ ପରେ ତାଙ୍କୁ ଆୟକର ବିଭାଗ ପକ୍ଷରୁ ନୋଟିସ ଜାରି କରାଯାଇଥିଲା । ତେବେ ସେ ନୋଟିସକୁ ଅଣଦେଖା କରିଥିଲେ। ଯାହା ଫଳରେ ଆୟକର ବିଭାଗର ୫ ଜଣିଆ ଟିମ ସୋମବାର ସନ୍ଧ୍ୟାରେ ବିଭିନ୍ନ ସ୍ଥାନରେ ଚଢ଼ାଉ କରିଥିଲେ । ସୂଚନାନୁଯାୟୀ ଚଢାଉବେଳେ ତପନ ଘରେ ନଥିବାରୁ ତାଙ୍କୁ ପୁର୍ନବାର ନୋଟିସ ପଠାଯାଇଛି ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ