ଲକଡାଉନରେ ଦେଶୀ ମଦ ବ୍ୟାପାର, ମାରଣାସ୍ତ୍ର ସହ ଅଭିଯୁକ୍ତ ଗିରଫ

ଲକଡାଉନ ସମୟରେ ଦେଶୀ ଚୋରାମଦ ବ୍ୟବସାୟ ରୋକିବାରେ ବାଣପୁର ପୋଲିସକୁ ମିଳିଛି ବଡ ସଫଳତା । ଏନେଇ ବାଣପୁର ଥାନା ଅନ୍ତର୍ଗତ ଝିଣ୍ଟିକାପଲ୍ଲୀ ଗ୍ରାମରେ ଦେଶୀ ମଦ ଏବଂ ଅସ୍ତ୍ରଶସ୍ତ୍ର ସହିତ ଜଣେ ଯୁବକଙ୍କୁ ଗିରଫ କରିଛି ବାଣପୁର ପୋଲିସ।

ଖୋର୍ଦ୍ଧା: ଲକଡାଉନ ସମୟରେ ଦେଶୀ ଚୋରାମଦ ବ୍ୟବସାୟ ରୋକିବାରେ ବାଣପୁର ପୋଲିସକୁ ମିଳିଛି ବଡ ସଫଳତା । ଏନେଇ ବାଣପୁର ଥାନା ଅନ୍ତର୍ଗତ ଝିଣ୍ଟିକାପଲ୍ଲୀ ଗ୍ରାମରେ ଦେଶୀ ମଦ ଏବଂ ଅସ୍ତ୍ରଶସ୍ତ୍ର ସହିତ ଜଣେ ଯୁବକଙ୍କୁ ଗିରଫ କରିଛି ବାଣପୁର ପୋଲିସ । ଗିରଫ ହୋଇଥିବା ବ୍ୟକ୍ତି ହେଉଛନ୍ତି ଝିଣ୍ଟିକାପଲ୍ଲୀ ଗ୍ରାମର ଅରବିନ୍ଦ ପରିଡା ଏବଂ ତାଙ୍କଠାରୁ ପୋଲିସ 40 ଲିଟର ମଦ ଜବତ କରିଥିବା ଜଣାପଡିଛି ।

ଗୁପ୍ତ ସୂତ୍ରରୁ ଖବର ପାଇ ପୋଲିସ ଚଢାଉ କରି 40 ଲିଟର ଦେଶୀ ମଦ ସହିତ ଅରବିନ୍ଦଙ୍କୁ ଗିରଫ କରିବାରେ ସଫଳ ହୋଇଛି। ଏହାପରେ ବାଣପୁର ଆଇଆଇସିଙ୍କ ନେତୃତ୍ବରେ ବାଣପୁର ଥାନା କର୍ମଚାରୀମାନେ ଅରବିନ୍ଦଙ୍କ ଘର ଉପରେ ଚଢାଉ କରିଥିଲେ । ଯେଉଁଥିରେ ଗୋଟିଏ ଦେଶୀ ବନ୍ଧୁକ, ଫାର୍ସା, ଗୁଳି ତିଆରି ବାରୁଦ ଏବଂ ବୋମା ତିଆରି ସାମଗ୍ରୀ ମଧ୍ୟ ଜବତ କରିଛି ପୋଲିସ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ