ଖୋର୍ଦ୍ଧା: କୋରୋନା ମୁକାବିଲା ନେଇ ଲକଡାଉନ ଓ ସଟଡାଉନରେ ଚାଷୀର ମେରୁଦଣ୍ଡ ଭାଙ୍ଗିଯାଇଛି । ଚଳିତବର୍ଷ ଚାଷୀ ଖରିଫ ଧାନ ସରକାରୀ ମଣ୍ଡିରେ ବିକ୍ରି କରିଥିଲେ ମଧ୍ୟ ଚାଷୀଙ୍କ ଆକାଉଣ୍ଟକୁ ଟଙ୍କା ଆସିନି । ସେହିପରି ଜିଲ୍ଲାର ଅନେକ ଚାଷୀ ସରକାରୀ ଟୋକନ ପାଇ ମଧ୍ୟ ଧାନ ବିକ୍ରି କରିପାରି ନାହାନ୍ତି । ଅନ୍ୟପଟେ ବାତ୍ୟା କ୍ଷତିପୂରଣ ମଧ୍ୟ ମିଳିନାହିଁ ।
ଖୋର୍ଦ୍ଧାରେ ଚାଷୀଙ୍କ ବିଭିନ୍ନ ସମସ୍ୟା ନେଇ ନବନିର୍ମାଣ କୃଷକ ସଙ୍ଗଠନର ଅନଶନ
କୋରୋନା ମହାମାରୀ ପାଇଁ ଚାଷୀକୁ ସରକାରୀ ପ୍ରୋତ୍ସାହନ ଦିଆଯିବା ଦାବି ନେଇ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ସୋମବାର ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣ ଉପବାସ କରାଯାଇଥିଲା ।