ମହିଳାଙ୍କ ଦରପୋଡ଼ ମୃତଦେହ ଉଦ୍ଧାର, ହତ୍ୟା ସନ୍ଦେହ

ରାସ୍ତାକଡରେ ମହିଳାଙ୍କ ଅଧାଜଳା ଶରୀର । ମୃତ ଶରୀର ନିକଟରେ ପଡିଛି ମଦ ବୋତଲ,ପାଣି ପାଉଚ । ତେବେ ଶରୀରର ଅର୍ଦ୍ଧେକ ଅଂଶ ପୋଡିଯାଇଥିବାରୁ ମୃତଦେହ ଚିହ୍ନଟ କରାଯାଇପାରି ନାହିଁ । ତେବେ ମୃତ ମହିଳା ଜଣକ କିଏ ଏବଂ ଏଠାକୁ କିପରି ଆସିଲେ ତାହାର ତଦନ୍ତ କରୁଛି ପୋଲିସ ।

ଖୋର୍ଦ୍ଧା: ଜିଲ୍ଲାର ବାଲୁଗାଁ ଦେଇ ଯାଇଥିବା 16 ନମ୍ବର ଜାତୀୟ ରାଜପଥର ସରନଇ ନିକଟରେ ଆଜି ଏକ ଦରପୋଡ଼ା ମହିଳାଙ୍କ ମୃତଦେହ ଉଦ୍ଧାର ହୋଇଛି। ରାସ୍ତା କଡ଼ରୁ ଜବତ ହୋଇଥିବା ଏହି ମୃତଦେହଟି ଜଳି ଯାଇଥିବାରୁ ମୃତକଙ୍କ ପରିଚୟ ମିଳିପାରିନାହିଁ ।

ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ତଦନ୍ତ ଜାରି ରଖିଛି । ମୃତ ଶରୀର ନିକଟରେ ମଦ ବୋତଲ, ପାଣି ପାଉଚ ପ୍ରଭୃତି ପଡିଥିବା ଦେଖାଯାଇଛି । ତେବେ ମୃତ ମହିଳା ଜଣକ କିଏ ଏବଂ ଏଠାକୁ କିପରି ଆସିଲେ ତାହାର ତଦନ୍ତ କରୁଛି ପୋଲିସ। ସବୁଠାରୁ ଆଶ୍ଚର୍ଯ୍ୟ ଚକିତ କଥା ହେଉଛି ମହିଳାଙ୍କୁ ଟାୟାର ସାହାଯ୍ୟରେ ପୋଡି ଦିଆଯାଇଛି।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ