ଭୁବନେଶ୍ବର: କେନ୍ଦ୍ର ସରକାରଙ୍କ ଯୋଜନାକୁ ନିଜ ନାଁରେ କିଛି ରାଜ୍ୟ ସରକାର ବ୍ରାଣ୍ଡିଂ କରୁଥିବା ଅଭିଯୋଗ ହେଇଆସୁଛି । ଏହାକୁ ଚେକ ଦେବା ଲାଗି କେନ୍ଦ୍ର ସରକାର ବିଭିନ୍ନ ବ୍ୟବସ୍ଥା କରିଛନ୍ତି । ବଣ୍ଟନ ବ୍ୟବସ୍ଥାରେ ସ୍ୱଚ୍ଛତା ଓ ରାଜ୍ୟର ବ୍ରାଣ୍ଡିଂକୁ ବ୍ରେକ ଦେବା ଲାଗି ଖୁବଶୀଘ୍ର କେନ୍ଦ୍ର ଆଣିବାକୁ ଯାଉଛି ରସିଦ ବ୍ୟବସ୍ଥା । ଏହାକୁ ନେଇ ରାଜ୍ୟ ରାଜନୀତି ଉଷ୍ମ ହେବାରେ ଲାଗିଛି । ଯଦି କେନ୍ଦ୍ର ଏଭଳି ବ୍ୟବସ୍ଥା ଲାଗୁ କରେ ତେବେ ଅଭାବନୀୟ ପରିସ୍ଥିତି ସୃଷ୍ଟି ହେବ ବୋଲି ବିଜେଡି କହିଛି । ବିଜେଡି ଅଭିଯୋଗର ଜବାବ ରଖିଛି ବିଜେପି ।
ବିଜେଡି ବିଧାୟକ ଅମର ଶତପଥୀ କହିଛନ୍ତି ଯେ, ‘‘ସମସ୍ତଙ୍କ ରାସନ କାର୍ଡ ଅନ ରେକର୍ଡ ହେଉଥିଲା । ଯେ ଯାହା ପାଉଛନ୍ତି ତାହା ପ୍ରତି ମାସ ଏଣ୍ଟ୍ରି ହେଉଛି । ଏହା ନର୍ମାଲ ପ୍ରାକ୍ଟିସ । ଯେଉଁ ରସିଦ ବ୍ୟବସ୍ଥା କଥା କହୁଛନ୍ତି, ଜଣାପଡୁନି ଏହା ପଛରେ ଉଦ୍ଦେଶ୍ୟ କଣ ? ଏହା ଦ୍ବାରା ବଣ୍ଟନ ବ୍ୟବସ୍ଥାରେ ଅଭାବନୀୟ ଅବସ୍ଥା ସୃଷ୍ଟି ହୋଇପାରେ । ସ୍ୱଚ୍ଛତା ଉପରେ ରାଜ୍ୟ ସରକାର ବିଶ୍ୱାସ କରନ୍ତି । ସ୍ୱଚ୍ଛତାର ସହ କାର୍ଯ୍ୟ କରିବା ଲାଗି ମୁଖ୍ୟମନ୍ତ୍ରୀଙ୍କର ନିର୍ଦ୍ଦେଶ ରହିଛି । ରାଜନୈତିକ ସୁବିଧା ନେବା ଲାଗି ବିଜେପି ନେତୃତ୍ୱାଧୀନ କେନ୍ଦ୍ର ସରକାର ଚେଷ୍ଟା କରୁଛନ୍ତି । ତାଙ୍କର ଉଦ୍ୟମ ଆଦୌ ସଫଳ ହେବନାହିଁ । ବରଂ ଲୋକହସା ହେବେ । ସେପଟେ ବିଜେଡିର ଅଭିଯୋଗର ଜବାବ ରଖିଛନ୍ତି ବିଜେପି ବିଧାୟକ ପ୍ରକାଶ ସୋରେନ ।