ଖୋର୍ଦ୍ଧା:ଓଡିଶାରେ ପୂର୍ବତନ ଭାରତୀୟ କ୍ରିକେଟ ଟିମର କ୍ୟାପଟେନ ମହମ୍ମଦ ଆଝାରୁଦ୍ଦିନ । ଆଜି( ରବିବାର) ଖୋର୍ଦ୍ଧା ଗସ୍ତ କରିଛନ୍ତି କ୍ରିକେଟର ଆଝାରୁଦ୍ଦିନ। ଖୋର୍ଦ୍ଧା ବରୁଣେଇସ୍ଥିତ KT ଗ୍ଲୋବାଲ ସ୍କୁଲର ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗ ଦେଇଛନ୍ତି ପୂର୍ବତନ ଅଧିନାୟକ ମହମ୍ମଦ ଆଝାରୁଦ୍ଦିନ । ଏହି ଅବସରରେ ସ୍କୁଲ ପରିସରରେ ଅନୁଷ୍ଠିତ ହେଉଥିବା କ୍ରିକେଟ ଏକାଡେମୀକୁ ଉଦଘାଟନ କରିଛନ୍ତି ସେ ।
KT ଗ୍ଲୋବାଲ ସ୍କୁଲ ପରିଦର୍ଶନ କଲେ ପୂର୍ବତନ କ୍ରିକେଟର ମହମ୍ମଦ ଆଝାରୁଦ୍ଦିନ
ଓଡ଼ିଶାର ବିଭିନ୍ନ ସ୍ଥାନରୁ ଆସିଥିବା ଶତାଧିକ ପୁଅ ଝିଅଙ୍କୁ କ୍ରିକେଟର ବିଭିନ୍ନ ପ୍ରକାର କୌଶଳ ଶିକ୍ଷା ପ୍ରଦାନ କରିଥିଲେ l ଆଗାମୀ ଦିନରେ ଓଡ଼ିଶାରେ କିପରି କ୍ରିକେଟକୁ ଆଗକୁ ନିଆଯିବ ଓ ଓଡ଼ିଶାର ଖେଳାଳିମାନେ କିପରି ଭାରତ ପାଇଁ ପ୍ରତିନିଧିତ୍ବ କରିବେ, ସେନେଇ ବହୁତ ଉପାଦେୟ ଟିପ୍ସ ପ୍ରଦାନ କରିଛନ୍ତି ଆଝାରୁଦ୍ଦିନ l