ବେଗୁନିଆରେ ଗୁଳିକାଣ୍ଡ, ଜଣେ ଆହତ

ବେଗୁନିଆ ଥାନା ଅନ୍ତର୍ଗତ ଦେଉଳି ଛକରେ ଗୁଳିକାଣ୍ଡ । ଗୁଳିମାଡରେ ଯୁବକ ଆହତ । ଆହତ ଯୁବକ ହେଉଛନ୍ତି ବେଗୁନିଆ ଜାମୁସାହିର ସନ୍ତୋଷ ରାଉତରାୟ ।

ଖୋର୍ଦ୍ଧା : ବେଗୁନିଆ ଥାନା ଅନ୍ତର୍ଗତ ଦେଉଳି ଛକରେ ଗୁଳିକାଣ୍ଡ । ଗୁଳିମାଡରେ ଯୁବକ ଆହତ । ଆହତ ଯୁବକ ହେଉଛନ୍ତି ବେଗୁନିଆ ଜାମୁସାହିର ସନ୍ତୋଷ ରାଉତରାୟ । ତେବେ ଗୁଳିମାଡର କାରଣ ଜଣାପଡିନାହିଁ ।

ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଗୋଡିପଡା ଟୋଲଗେଟ ଲୁଟ ଘଟଣାରେ ସନ୍ତୋଷ ପୂର୍ବରୁ ଗିରଫ ହୋଇ ତାଙ୍କ ସହଯୋଗୀଙ୍କ ନାମ କହିଥିଲା । ସେହି କାରଣରୁ ଗୁଳିକାଣ୍ଡ ହୋଇଥିବା ସନ୍ଦେହ କରାଯାଉଛି । ଗୁଳିକାଣ୍ଡ ପରେ ଘଟଣାସ୍ଥଳରେ ବେଗୁନିଆ ପୋଲିସ ପହଞ୍ଚିବା ସହ ଗୁଳିମାଡରେ ଆହତ ହୋଇଥିବା ସନ୍ତୋଷଙ୍କୁ ଖୋର୍ଦ୍ଧା ଜିଲ୍ଲା ହସ୍ପିଟାଲକୁ ପଠାଇଛି । ଏହା ସହ ଘଟଣାର ପ୍ରାଥମିକ ତଦନ୍ତ ଆରମ୍ଭ କରିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ