ଭୁବନେଶ୍ୱର: ଫନିରେ ବିଦ୍ୟୁତଯୋଗାଣ ବିପର୍ଯ୍ୟସ୍ତ ହେବାପରେ ଏହାକୁ ପୁଣି ଥରେ ସଜାଡିବାରେ ବିଦ୍ୟୁତ କର୍ମଚାରୀମାନଙ୍କୁ ସାବାସୀ ଦିଆଯାଉଛି । ହେଲେ ସେମାନଙ୍କୁ ଭଲ ଖାଇବାକୁ କି ପିଇବାକୁ ମିଳୁ ନ ଥିବା ଖୋଦ୍ କର୍ମଚାରୀମାନେ ଅଭିଯୋଗ କରିଛନ୍ତି ।
ନିଜ ଜୀବନକୁ ବାଜି ଲଗାଇ ମେ ମାସର ଡହଡହ ଖରାରେ କାମ କରୁଛନ୍ତି କୁଶଳୀ ଓ ଅର୍ଦ୍ଧକୁଶଳୀ ଶ୍ରମିକ। ନିଜ ଗାଁ ମାଟି ଛାଡି ରାଜଧାନୀକୁ ଆଲୋକିତ କରିବା ସହିତ ରାଜଧାନୀବାସୀଙ୍କୁ ଆରାମ କରିବା ପାଇଁ ନିଜ ଦେହର ରକ୍ତକୁ ପାଣି କରି ବୁହାଇ ଦେଉଛନ୍ତି। ସେଥିପାଇଁ ସେମାନଙ୍କ ମନରେ ତିଳେ ହେଲେ ଅଭିମାନ ନାହିଁ। କିନ୍ତୁ ଦିନରାତି ଯିଏ ଅନ୍ୟମାନଙ୍କ ପାଇଁ କାମ କରୁଛି ତାକୁ ଦି ଓଳି ଦୁଇମୁଠା ଭଲ ଖାଇବା ସହିତ ପିଇବାକୁ ମୁନ୍ଦେ ପାଣି ମିଳୁ ନଥିବାରୁ ଅସନ୍ତୋଷ ହୋଇ ଗଣମାଧ୍ୟମ ଆଗରେ ବଖାଣିଛନ୍ତି ବଲାଙ୍ଗୀରରୁ ଆସି ଭୁବନେଶ୍ୱରରେ ବିଦ୍ୟୁତ ସେବା ପ୍ରଦାନରେ ନିୟୋଜିତ ହୋଇଥିବା କର୍ମଚାରୀମାନେ।
ଭିଡିଓ ସୌଜନ୍ୟ: ପ୍ରତିନିଧି ଭୁବନେଶ୍ବର