ଖୋର୍ଦ୍ଧା :ଘରୁ ଉଦ୍ଧାର ହେଲା ନବ ବିବାହିତାଙ୍କ ମୃତଦେହ । ଏପରି ଘଟଣା ଘଟିଛି ବେଗୁନିଆ ଥାନା ଅନ୍ତର୍ଗତ ସାନପଦର ପଞ୍ଚାୟତର ବାୟାପଲ୍ଳୀ ଗ୍ରାମରେ । ମୃତ ମହିଳା ଜଣକ ହେଲେ ଜ୍ୟୋତି ନାୟକ । ସେ ୩ ମାସ ତଳେ ଉକ୍ତ ଗ୍ରାମର ରମେଶ ସାହୁଙ୍କୁ ପ୍ରେମ ବିବାହ କରିଥିବାବେଳେ ତାଙ୍କ ବାପଘର କଂସାର ଅଞ୍ଚଳରେ ବୋଲି ଜଣାପଡିଛି । ଘଟଣା ସମ୍ପର୍କରେ ସୂଚନା ପାଇ ମୃତଦେହ ଜବତ କରିଛି ପୋଲିସ ।
ଘରୁ ନବବିବାହିତାଙ୍କ ମୃତଦେହ ଉଦ୍ଧାର, ସ୍ୱାମୀ ଅଟକ ତେବେ ବର୍ତ୍ତମାନ କେଉଁ ପରିସ୍ଥିତିରେ ମହିଳାଙ୍କ ମୃତ୍ୟୁ ଘଟିଛି ତାହା ସ୍ପଷ୍ଟ ହୋଇନଥିବାବେଳେ ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ପଠାଇଛି । ଅନ୍ୟପଟେ ୧୧/୨୧ ରେ ଏକ ଅପମୃତ୍ୟୁ ମାମଲା ରୁଜୁ କରି ମହଳାଙ୍କ ସ୍ବାମୀ ରମେଶଙ୍କୁ ଅଟକ ରଖି ତଦନ୍ତ ଆରମ୍ବ କରିଛି । ସେପଟେ ଘରେ ସର୍ଟ ସର୍କିଟ କାରଣରୁ ଜ୍ୟୋତିଙ୍କର ମୃତ୍ୟୁ ହୋଇଥିବା ସ୍ବାମୀ ରମେଶ କହିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
