ଧର୍ଷଣ ଓ ହତ୍ୟା ମାମଲା: ଅଭିଯୁକ୍ତକୁ ଆଜୀବନ କାରାଦଣ୍ଡ

ନିରାକାରପୁର ଥାନା ଅଞ୍ଚଳରେ ୨୦୧୪ ମସିହାରେ ଘଟିଥିବା ଏକ ଧର୍ଷଣ ଏବଂ ହତ୍ୟା ଅଭିଯୋଗରେ ଅଭିଯୁକ୍ତ ସନ୍ତୋଷ କୁମାର ପଲେଇକୁ ଖୋର୍ଦ୍ଧା ପ୍ରଥମ ଅତିରିକ୍ତ ଜିଲ୍ଲା ଦୌରଜଜ୍ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ଅଧିକ ପଢନ୍ତୁ

ଖୋର୍ଦ୍ଧା: ନିରାକାରପୁର ଥାନା ଅଞ୍ଚଳରେ ୨୦୧୪ ମସିହାରେ ଘଟିଥିବା ଏକ ଧର୍ଷଣ ଏବଂ ହତ୍ୟା ଅଭିଯୋଗରେ ଅଭିଯୁକ୍ତ ସନ୍ତୋଷ କୁମାର ପଲେଇକୁ ଖୋର୍ଦ୍ଧା ପ୍ରଥମ ଅତିରିକ୍ତ ଜିଲ୍ଲା ଦୌରଜଜ୍ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ସୂଚନା ଅନୁସାରେ, ୨୦୧୪ ମସିହାରେ ଭଗବାନ ଜେନାଙ୍କ ପତ୍ନୀ ସବିତା ଜେନାଙ୍କୁ ଲୋନ କରେଇଦେବା କହି ସନ୍ତୋଷ କୁମାର ପଲେଇ ଫୋନ ଯୋଗେ ଡାକିଥିଲେ । କିନ୍ତୁ ସବିତା ସନ୍ତୋଷଙ୍କ ପାଖକୁ ଯାଇ କେଉଁଆଡ଼େ ନିଖୋଜ ହୋଇଯାଇଥିଲା ।

ତେବେ ସବିତାଙ୍କ ଉଲଗ୍ନ ମୃତଦେହ ବାସୁଦେବପୁର କାଜୁ ଜଙ୍ଗଲରେ ପଡିଥିବା ନିରାକାରପୁର ପୋଲିସ ପାଇଥିଲା । ଏହି ଘଟଣାରେ ଅଭିଯୁକ୍ତ ସନ୍ତୋଷକୁ ଧର୍ଷଣ ଓ ହତ୍ୟାକରିବା ଅଭିଯୋଗରେ ନିରାକାରପୁର ପୋଲିସ ଗିରଫ କରିଥିଲା । ମାମଲାର ଶୁଣାଣି କରି କୋର୍ଟ ଅଭିଯୁକ୍ତ ସନ୍ତୋଷକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ