ଖୋର୍ଦ୍ଧା: ଘନଉଛି ସାରୁଅ ଠିକା ଶ୍ରମିକ ବିବାଦ । ଖୋର୍ଦ୍ଧା ସାରୁଅରେ ଥିବା ଘରୋଇ ଗଣମାଧ୍ୟମ ସଂସ୍ଥାର ଷ୍ଟୁଡିଓ ଗେଟ ସମ୍ମୁଖରେ ଶ୍ରମିକଙ୍କ ଧାରଣା ଚତୁର୍ଥ ଦିନରେ ଜାରି ରହିଛି । ଆଜି(ବୁଧବାର) ଧାରଣାସ୍ଥଳରେ ପହଞ୍ଚିଛନ୍ତି ରାଷ୍ଟ୍ରୀୟ ଦଳିତ ମହାସଂଘର ରାଜ୍ୟ ସଭାପତି ଅଶୋକ ମଲ୍ଲିକ, ଉପଦେଷ୍ଟା ରବି ସେଠୀ ଓ ଅମୀୟ ସେଠୀ ।
ସାରୁଅ ଠିକା ଶ୍ରମିକଙ୍କ ଧାରଣାରେ ସାମିଲ ହେଲା ଦଳିତ ମହାସଂଘ
ଅଶୋକ ମଲିକଙ୍କ ନେତୃତ୍ବରେ ତିନି ଜଣିଆ ଟିମ ଗଣାମାଧ୍ୟମ ଷ୍ଟୁଡିଓ ୟୁନିଟ ସାମ୍ନାରେ ଧାରଣାରେ ବସିଥିବା ଠିକା ଶ୍ରମିକମାନଙ୍କୁ ଭେଟି ଆଲୋଚନା କରିଛନ୍ତି ଏବଂ ଘଟଣାରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଦାବି କରିଛନ୍ତି । ସେହିପରି ତୁରନ୍ତ ଏହାର ସମାଧାନ କରାନଗଲେ ଆଗାମୀ ଦିନରେ ଦଳିତ ମହାସଂଘ ସାରୁଅ ଠିକା ଶ୍ରମିକଙ୍କ ଦାବିକୁ ନେଇ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛନ୍ତି ।