ଭୁବନେଶ୍ୱର:ପାଣ୍ଡିଆନକୁ ପ୍ରଶଂସାରେ ପୋତି ପକାଇଲେ ପ୍ରଣବ ପ୍ରକାଶ ଦାସ । ଯାହାକୁ ନେଇ ପ୍ରଣବଙ୍କୁ ସମାଲୋଚନା କରିଛି କଂଗ୍ରେସ । ଜଣେ ସରକାରୀ ଅଧିକାରୀ ହେଲେ ଏସବୁ କରିବାକୁ ପଡେ ଏଥିରେ ନୂଆ କଣ ବୋଲି ପଚାରି ବବିଙ୍କୁ କଟାକ୍ଷ କରିଛନ୍ତି କଂଗ୍ରେସର ବରିଷ୍ଠ ନେତା ସୁର ରାଉତରାୟ । ଗତକାଲି(ବୁଧବାର) କଳାହାଣ୍ଡି ଧର୍ମଗଡ଼ରେ ଏକ ଅନାଥାଶ୍ରମ ପରିଦର୍ଶନ ପରେ ଏକ୍ସରେ ଏକ ପୋଷ୍ଟ କରି ତତ୍କାଳୀନ ଉପଜିଲ୍ଲାପାଳ ଭିକେ ପାଣ୍ଡିଆନକୁ ପ୍ରଶଂସାରେ ପୋତି ପକାଇଥିଲେ ।
ସୂଚନା ଥାଉକି, ଗତକାଲି(ବୁଧବାର) ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଳାହାଣ୍ଡି ଗସ୍ତ କରି ଲକ୍ଷ୍ମୀ ଯୋଜନା ଶୁଭାରମ୍ଭ କରିଥିଲେ । ଏହା ସହ କଳାହାଣ୍ଡି ପ୍ରତିଷ୍ଠା ଦିବସରେ ଯୋଗଦେବା ସହ ଶହୀଦ ରେଣ୍ଡୋ ମାଝୀ ମେଡିକାଲ କଲେଜର ମଧ୍ୟ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ବିଜେଡିର ବହୁ ହେବିୱେଟ ନେତା ଉପସ୍ଥିତ ରହିଥିଲେ । ତେବେ କଳାହାଣ୍ଡି ଧର୍ମଗଡ଼ରେ ଏକ ଅନାଥାଶ୍ରମ ପରିଦର୍ଶନ କରିଥିଲେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶ । ଏହା ପରେ ସେ ଭିକେ ପାଣ୍ଡିଆନଙ୍କୁ ପ୍ରଶଂସା କରି ଏକ୍ସରେ ପୋଷ୍ଟ କରିଥିଲେ । ଯାହାକୁ ଗଣମାଧ୍ୟମ ସମ୍ମୁଖରେ ନା ପସନ୍ଦ କରିଛନ୍ତି କଂଗ୍ରେସ ବିଧାୟକ ସୁରେଶ ରାଉତରାୟ ।
ପ୍ରଣବ ପ୍ରକାଶ ଦାଶ ଏକ୍ସରେ ପୋଷ୍ଟ କରିଥିଲେ କି, "ମୁଁ ଓ ଦଳର ଅନ୍ୟ ବରିଷ୍ଠ ନେତୃବୃନ୍ଦ ଧର୍ମଗଡ଼ ଅନାଥାଶ୍ରମ ପରିଦର୍ଶନ ଏକ ସ୍ଵତନ୍ତ୍ର ଅନୁଭବ । ପିଲାଙ୍କ ମଧ୍ୟରେ ସେତେବେଳର ଉପଜିଲ୍ଲାପାଳ ଶ୍ରୀ ଭିକେ ପାଣ୍ଡିଆନଙ୍କ ପ୍ରତି ଥିବା ଶ୍ରଦ୍ଧା ଓ ସମ୍ମାନ ବେଶ ଜଣା ପଡୁଥିଲା । ୨୦୦୨ରେ ଧର୍ମଗଡ଼ ଭଳି ଦୁର୍ଗମ ଅଞ୍ଚଳର ଏହି ଅନାଥାଶ୍ରମ ଓ ଏଠାକାର ପିଲାଙ୍କ ସଂପୂର୍ଣ୍ଣ ଦାୟିତ୍ଵ ସେ ନେଇଥିଲେ । " ତେବେ ଏହି ପୋଷ୍ଟକୁ ନେଇ ଚର୍ଚ୍ଚା ଜୋର ଧରିଛି ।
ଏହା ମଧ୍ୟ ପଢନ୍ତୁ....ଓଡିଶା ଆସୁନାହାଁନ୍ତି ଜାତୀୟ ନେତା, କେମିତି ଶକ୍ତିଶାଳୀ ହେବ ଓଡିଶା କଂଗ୍ରେସ