ଲମ୍ବୁଛି ଗାଈ ମାଫିଆଙ୍କ ଚେର, ସିସିଟିଭିରେ କଏଦ ଦୃଶ୍ୟ

ଖୋର୍ଦ୍ଧାରେ ଲମ୍ବି ଚାଲିଛି ଗୋରୁ ଚାଲାଣକାରୀ ରାକେଟଙ୍କ ଚେର । ଜଟଣୀ କୁଦିଆରୀ ଅଞ୍ଚଳରେ ଥିବା ସୁନ୍ଦରାୟ ପେଟ୍ରୋଲ ପମ୍ପ ନିକଟରୁ ଗୋରୁ ଚାଲାଣ ଦୃଶ୍ୟ ସିସିଟିଭିରେ କଏଦ ହୋଇଛି ।

ଖୋର୍ଦ୍ଧା: ଚୋର ମାନଙ୍କ ଦୌରାତ୍ମ୍ୟ ଦିନକୁ ଦିନ ବଢ଼ି ଚାଲିଛି । ଆଉ ଏବେ ଏହି ଚୋରମାନଙ୍କର ନଜର ଗୋମାତାଙ୍କ ଉପରେ । ରାତିରେ ଏଣେତେଣେ ବୁଲାବୁଲି କରୁଥିବା ଗୋମାତାଙ୍କୁ ଡାଲା ଗାଡି ସାହାଯ୍ୟରେ ନେଇ ସେମାନଙ୍କୁ ବାହାରକୁ ଚାଲାଣ କରୁଛନ୍ତି । ଏହିପରି ଏକ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ଜଟଣୀ ଅଞ୍ଚଳରେ ।

ଜଟଣୀ କୁଦିଆରୀ ଅଞ୍ଚଳରେ ଥିବା ସୁନ୍ଦରାୟ ପେଟ୍ରୋଲ ପମ୍ପ ନିକଟରୁ ରାତିରେ ଗୋରୁମାନେ ଶୋଇଥିବା ସମୟରେ ସେମାନଙ୍କୁ ଗାଡି ସାହାଯ୍ୟରେ ଚୋରି କରି ନେଉଥିବାର ଦୃଶ୍ୟ ସିସିଟିଭିରେ କଏଦ ହୋଇଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ