ଖୋର୍ଦ୍ଧା: ରାଜ୍ୟ ସହ ଖୋର୍ଦ୍ଧା ସହରରେ ଦିନକୁ ଦିନ ଗଞ୍ଜେଇ ଓ ବ୍ରାଉନସୁଗାର ବେପାର ବୃଦ୍ଧି ଜୋରସୋରରେ ହେଉଥିବା ଦେଖିବାକୁ ମିଳୁଛି । ପୋଲିସ ଆଢୁଆଳରେ ବେଧଡକ ଚାଲିଛି ବ୍ରାଉନସୁଗାର ବେପାର । ମଙ୍ଗଳବାର ଖୋର୍ଦ୍ଧା ଅବକାରୀ ବିଭାଗ ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ଗୁରୁଜଙ୍ଗ ଗାଁରେ ଚଢ଼ାଉ କରି 17 ଗ୍ରାମ ବ୍ରାଉନସୁଗାର ଜବତ କରିବା ସହ ଏହି ଘଟଣାରେ ଜଣଙ୍କୁ ଗିରଫ କରିଛି । ଗିରଫ ଯୁବକ ଜଣକ ଉକ୍ତ ଗ୍ରାମର ଛବିନ୍ଦ୍ର ପ୍ରଧାନ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସୂଚନା ଅନୁସାରେ ଜିଲ୍ଲାରେ ଅବକାରୀ ବିଭାଗ ବାରମ୍ବାର ଚଢ଼ାଉ କରି ବେପାରୀଙ୍କୁ ଗିରଫ କରୁଥିଲେ ମଧ୍ୟ ଧଳା ଜହର ବ୍ୟବସାୟ ବନ୍ଦ ହେବାର ନାଁ ଧରୁନି । ମଙ୍ଗଳବାର 17 ଗ୍ରାମ ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ 70 ହଜାର ଟଙ୍କା ହେବ ବୋଲି ଜଣାପଡ଼ିଛି ।