ଜଟଣୀରେ ଧଳା ଜହର କାରବାର, 2 ବେପାରୀ ଗିରଫ

ଜଟଣୀରେ ପୁଣି ଧରା ପଡିଛନ୍ତି ଦୁଇ ବ୍ରାଉନ ସୁଗାର ବେପାରୀ । ଉଭୟଙ୍କୁ ପୋଲିସ ଗିରଫ କରିବା ସହ ସେମାନଙ୍କ ପାଖରୁ ଲକ୍ଷାଧିକ ଟଙ୍କା ମଧ୍ୟ ଜବତ କରାଯାଇଛି ।

ଖୋର୍ଦ୍ଧା: ବଢିବାରେ ଲାଗିଛି ଧଳା ଜହର କାରବାର । ଏନେଇ ବାରମ୍ବାର ପୋଲିସ ଦ୍ବାରା ଚଢାଉ କରାଯିବା ପରେ ମଧ୍ୟ କାୟା ବିସ୍ତାର କରିବାରେ ଲାଗିଛି ଏହି କାରବାର । ତେବେ ଜଟଣୀରେ ପୁଣି ଧରା ପଡିଛନ୍ତି ଦୁଇ ବ୍ରାଉନସୁଗାର ବେପାରୀ । ଉଭୟଙ୍କୁ ପୋଲିସ ଗିରଫ କରିବା ସହ ସେମାନଙ୍କ ପାଖରୁ ଲକ୍ଷାଧିକ ଟଙ୍କା ମଧ୍ୟ ଜବତ କରାଯାଇଛି ।

ବିଶ୍ବସ୍ତ ସୂତ୍ରରୁ ଖବର ପାଇ ଜଟଣୀ ପୋଲିସ ନୂଆଗାଁ ଅଞ୍ଚଳରେ ଅତର୍କିତ ଚଢାଉ କରିଥିଲା । ଏଥିରେ ଝୁଲ ଓ ଧଣ୍ଡ ନାମକ ଦୁଇ ବ୍ରାଉନସୁଗାର ବେପାରୀଙ୍କୁ ଗିରଫ କରିବା ସହ ସେମାନଙ୍କ ପାଖରୁ 1 ଲକ୍ଷ ଟଙ୍କା ଓ 14 ଗ୍ରାମ ବ୍ରାଉନସୁଗାର ଜବତ କରିଛି ପୋଲିସ । ଏଥିସହ ଗିରଫ ଦୁହିଁଙ୍କୁ କୋର୍ଟ ଚାଲାଣ କରାଯାଇଛି ।

ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ