ଖୋର୍ଦ୍ଧାରେ ଫୁଟିଲା ବୋମା

ପୂର୍ବ ଶତ୍ରୁତାକୁ କେନ୍ଦ୍ରକରି ଖୋର୍ଦ୍ଧାରେ ବୋମାମାଡ। ଏହି ବୋମା ମାଡରେ ଦୁଇଟି ଘର କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।

ଖୋର୍ଦ୍ଧା: ଖୋର୍ଦ୍ଧାରେ ବୋମାମାଡ । ପୂର୍ବ ଶତ୍ରୁତାକୁ କେନ୍ଦ୍ରକରି ଜାମୁସାହି ଗାଁରେ ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ଏହି ବୋମାମାଡରେ ଦୁଇଟି ଘର କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।

ଖବର ଅନୁସାରେ, ଗତକାଲି ବିଳମ୍ବିତ ରାତିରେ ଖୋର୍ଦ୍ଧା ଗ୍ରାମରେ ମେଳନ ଚାଲିଥିଲା । ଏହି ସମୟରେ ଗୋଟିଏ ଗୋଷ୍ଠୀର ବାଇକ ଧକ୍କାକୁ କେନ୍ଦ୍ର କରି ପାଟିତୁଣ୍ଡ ଆରମ୍ଭ ହୋଇଥିଲା । ଏହି ଘଟଣା ପରେ ଅନ୍ୟ ଗୋଷ୍ଠୀର ଆକ୍ରମଣରେ 4 ରୁ ଅଧିକ ବାଇକ ଭଙ୍ଗାରୁଜା କରିବା ସୁତୁଲି ବୋମାମାଡ କରିଥିଲେ । ବୋମାମାଡରେ ଦୁଇଟି ଘର ଆଂଶିକ କ୍ଷତିଗ୍ରସ୍ତ ହୋଇଛି ।

ଖବର ପାଇ ଘଟଣାସ୍ଥଳରେ ଖୋର୍ଦ୍ଧା ଆଦର୍ଶ ଥାନା ପୋଲିସ ପହଞ୍ଚି ପରିସ୍ଥିତି ନିୟନ୍ତ୍ରଣ କରିଥିବା ସହ ଘଟଣାରେ ସଂପୃକ୍ତ ଥିବା ଜଣେ ବ୍ୟକ୍ତିଙ୍କୁ ଅଟକ ରଖିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ