ବୋମାମାଡ଼ କରି ଜାଳିଦେଲେ ଜେସିବି

ମଙ୍ଗଳବାର ବିଳମ୍ବିତ ରାତିରେ କିଛି ଦୁର୍ବୁତ୍ତ ବୋମାମାଡ଼ କରି ଏକ ଜେସିବିକୁ ପୋଡି ଦେଇଥିବା ଜଣାପଡିଛି ।

ଖୋର୍ଦ୍ଧା: କିଛି ଦୁର୍ବୃତ୍ତ ବୋମାମାଡ କରି ଏକ ଜେସିବି ପୋଡି ଦେଇଥିବା ଜଣାପଡିଛି । ଏଭଳି ଅଭାବନୀୟ କାଣ୍ଡ ଦେଖିବାକୁ ମିଳିଛି ଖୋର୍ଦ୍ଧା ତାପଙ୍ଗ ଛକଠାରେ ଥିବା ଏନକେଏସ କ୍ରସର ନିକଟରେ ।

ସୂଚନା ଅନୁଯାୟୀ, ଗତ ମଙ୍ଗଳବାର ବିଳମ୍ବିତ ରାତିରେ କିଛି ଦୁର୍ବୃତ୍ତ ବୋମାମାଡ଼ କରି ଏକ ଜେସିବିକୁ ପୋଡି ଦେଇଥିବା ଜଣାପଡିଛି । ତେବେ ଘଟଣାସ୍ଥଳରେ ଏବେ ମଧ୍ୟ ଦୁଇଟି ଅଫୁଟା ବୋମା ପଡିଥିବା ଦେଖିବାକୁ ମିଳିଛି ।

ଏପଟେ ଖବର ପାଇ ଖୋର୍ଦ୍ଧା ସଦର ଥାନା ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ତେବେ କିଏ ଏଭଳି ଘଟଣା ଘଟାଇଛି ତାହା ଜଣାପଡିନଥିବା ବେଳେ ପୂର୍ବ ଶତ୍ରୁତା କାରଣରୁ ଏଭଳି ଘଟଣା ଘଟିଥିବା ଅନୁମାନ କରାଯାଉଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା , ଇଟିଭି ଭାରତ