ଭୁବନେଶ୍ୱର: ଚାଲିଛି ଟିକେଟ ରାଜନୀତି। ଆଗାମୀ ନିର୍ବାଚନକୁ ନେଇ ଆଶାୟୀ ପ୍ରାର୍ଥୀ ଯେତିକି ତତ୍ପର ଭୋଟର ମାନେ ବି ସେତିକି ଉତ୍ସାହିତ। ତେବେ ଟିକେଟ ବଣ୍ଟାକୁ ନେଇ କେଉଁଠି ବିଦ୍ରୋହ ଦେଖିବାକୁ ମିଳୁଛି ତ ଆଉ କେଉଁଠି ଦଳ ବଦଳ ପ୍ରକ୍ରିୟା। ଏହି କ୍ରମରେ ଭୁବନେଶ୍ବର ଏକ୍ରାମ ନିର୍ବାଚନ ମଣ୍ଡଳୀ ପାଇଁ ବିଜେପି କର୍ମୀ ଅମୀୟ ଦାସ ଆଶାୟୀ ଥିଲେ। ମାତ୍ର ତାଙ୍କ ବଦଳରେ ବାବୁ ସିଂଙ୍କୁ ଟିକେଟ ମିଳିବା ପରେ ଏବେ ଅସନ୍ତୋଷର ନିଆଁ କୁହୁଳିବାରେ ଲାଗିଛି।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ଗୁରୁବାର ଅମୀୟ ଦାସଙ୍କ ସମର୍ଥକ ବିଜେପି ରାଜ୍ୟ ଉପସଭାପତି ସମୀର ମହାନ୍ତିଙ୍କ ବାସଭବନରେ ଧସେଇ ପଶିବାକୁ ମଧ୍ୟ ଉଦ୍ୟମ କରିଥିଲେ। ତେବେ ଆଜି ଦେଖିବାକୁ ମିଳିଛି ଭିନ୍ନ ଚିତ୍ର। ସମର୍ଥକଙ୍କ ସହ ବିଜେପି ରାଜ୍ୟ କାର୍ଯ୍ୟାଳୟରେ ତାଲା ଝୁଲାଇଲେ ସମର୍ଥକ। ନାରାବାଜି କରିବା ସହ ଭୀଷଣ ଭାବେ ଅସନ୍ତୋଷ ପ୍ରକାଶ କରିବା ସହ ଧାରଣାରେ ବସିଛନ୍ତି ସମର୍ଥକ।