ଖୋର୍ଦ୍ଧା: ସବୁ ପ୍ରତୀକ୍ଷାର ଅନ୍ତ ଘଟାଇ ପ୍ରକାଶ ପାଇଛି ସାଧାରଣ ନିର୍ବାଚନ ଫଳାଫଳ। ଖୋର୍ଦ୍ଧା ଜିଲ୍ଲାର ଚିଲିକ ବିଧାନସଭା ନିର୍ବାଚନମଣ୍ଡଳୀରୁ ବିଜେଡିରୁ ବିଧାୟକ ପ୍ରଶାନ୍ତ ଜଗଦ୍ଦେବ ବିଜୟୀ ହୋଇଛନ୍ତି । ଆଉ ନିଜର ଏହି ସଫଳତା ପରେ ସେ ନିଜର ବିଜୟକୁ ନେଇ ବେଶ ଉତ୍ସାହିତ ଅଛନ୍ତି।
ଗଣମାଧ୍ୟମଙ୍କୁ ନିଜ ପ୍ରତିକ୍ରିୟା ଦେବାବେଳେ କହିଛନ୍ତି ଯେ, ଚିଲିକାର ଗମାନାଗମନା ବ୍ୟବସ୍ଥା, ପାନୀୟ ଜଳ, ମତ୍ସ୍ୟଜିବୀଙ୍କ ଆର୍ଥିକ ବିକାଶ ଉଦ୍ୟମ ଦିଗରେ ସେ ଅଧିକ ଗୁରୁତ୍ବ ଦେବେ। ଏହା ସହ ଚିଲିକାକୁ ପର୍ଯ୍ୟଟନସ୍ଥଳୀର ମାନ୍ୟତା ଦିଗରେ ମଧ୍ୟ ଅଧିକ ଗୁରୁତ୍ବ ଦିଆଯିବ ବୋଲି କହିଛନ୍ତି। ସେ ନିଜର ବିଜୟର ଶ୍ରେୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଚିଲିକାବାସୀଙ୍କୁ ଦେଇଛନ୍ତି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡାଙ୍କ ରିପୋର୍ଟ ଈଟିଭି ଭାରତ