ଖୋର୍ଦ୍ଧା: ରାଜ୍ୟରେ କୋରୋନା ସଂକ୍ରମିତଙ୍କ ସଂଖ୍ୟା ବଢିଚାଲିଛି । ଆଜି ପୁଣି 91 ଜଣଙ୍କ ଠାରେ କୋରୋନା ଚିହ୍ନଟ ହୋଇଛି । ଏମାନଙ୍କୁ ମଧ୍ୟରୁ 3 ଜଣ ଖୋର୍ଦ୍ଧାର । ଆଜି ଚିହ୍ନଟ କୋରୋନା ପଜିଟିଭ ଚିହ୍ନଟ ପରେ ଖୋର୍ଦ୍ଧାରେ ମୋଟ ଆକ୍ରାନ୍ତ ସଂଖ୍ୟା 9 ରହିଛି ।
ଆଜି ପୁଣି ଖୋର୍ଦ୍ଧାରୁ 3 କୋରୋନା ପଜିଟିଭ ଚିହ୍ନଟ
ଆକ୍ରାନ୍ତ ମଧ୍ୟରୁ ଜଣେ ବେଗୁନିଆ ବ୍ଲକ ହଜ ପଞ୍ଚାୟତର କାଳୁଚୁଆ ପାଟଣା ଗାଁର । ସେ ଗତ ମାର୍ଚ୍ଚ ମାସରେ ଚେନ୍ନାଇରୁ ଫେରି ହୋମ କ୍ବାରେଣ୍ଟାଇନରେ ରହିଥିଲେ । ସେହିପରି ଦ୍ବିତୀୟ ଆକ୍ରାନ୍ତ ଜଣକ ଚିଲିକା ବ୍ଲକ ହାଟବରଡି ଗାଁର ବୋଲି ଜଣାପଡିଛି । ସେ ସୁରତରୁ ଫେରି ନିଜ ପଞ୍ଚାୟତରେ କ୍ବାରେଣ୍ଟାଇନରେ ଥିଲେ । ତୃତୀୟ ଆକ୍ରାନ୍ତ ଜଣକ ଚିଲିକା ବ୍ଲକ ସିଙ୍ଗେଶ୍ବର ପଞ୍ଚାୟତର ଝିଅ ଖଲା ଗାଁର । ସେ ମଧ୍ୟ ସୁରତରୁ ଫେରି କ୍ବାରେଣ୍ଟାଇନରେ ରହିଥିଲେ ।