ସନ୍ଦେହ ଜନକ ଅବସ୍ଥାରେ ରେଳ ଲାଇନରୁ ମହିଳାଙ୍କ ମୃତଦେହ ଉଦ୍ଧାର

ଖୋର୍ଦ୍ଧା ଅଟ୍ରି ଉଷ୍ଣପ୍ରସ୍ରବଣ ନିକଟବର୍ତ୍ତୀ କରଡଗାଡିଆ ରେଳ ଲାଇନରୁ ଜଣେ ମହିଳାଙ୍କ ମୃତଦେହ ଉଦ୍ଧାର । ଦୁଷ୍କର୍ମ ପରେ ହତ୍ୟା କରିଥିବା ସନ୍ଦେହ । ପୋଲିସର ତଦନ୍ତ ଜାରି ।

ଖୋର୍ଦ୍ଧା: ସଦର ଥାନା ଅନ୍ତର୍ଗତ ଅଟ୍ରି ଉଷ୍ଣ ପ୍ରସ୍ରବଣ ନିକଟବର୍ତ୍ତୀ କରଡଗାଡିଆ ରେଳ ଲାଇନରୁ ମହିଳାଙ୍କ ମୃତଦେହ ଉଦ୍ଧାର । ତେବେ କେହି ଦୁର୍ବୃତ୍ତ ଉକ୍ତ ମହିଳାଙ୍କୁ ଦୁଷ୍କର୍ମ ପରେ ହତ୍ୟା କରି ରେଳଲାଇନରେ ପକାଇ ଦେଇଥିବା ସନ୍ଦେହ କରାଯାଉଛି ।

ରେଳ ଧାରଣା ନିକଟରୁ ମହିଳା ମୃତଦେହକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ପୋଲିସ ପଠାଇଛି । ଏହା ସହିତ ମୃତଦେହ ନିକଟରୁ ଏକ ଅଧା ପିଆ ଥଣ୍ଡା ବୋତଲ, ବିଷ ବୋତଲ, ଭ୍ୟାନିଟ ବ୍ୟାଗ, ଚପଲ ମଧ୍ୟ ଜବତ କରିଛି ପୋଲିସ ।

ତେବେ ଘଟଣାରେ ପୋଲିସ ଅଧିକ ଅନୁସନ୍ଧାନ ଜାରି ରଖିଥିବା ବେଳେ ମହିଳାଙ୍କ ପରିଚୟ ମିଳିପାରିନାହିଁ । ପାରିପାର୍ଶ୍ବିକ ସ୍ଥିତିରୁ ମହିଳାଙ୍କୁ କେହି ହତ୍ୟା କରି ରେଳ ଧାରଣାରେ ଫୋପାଡ଼ି ଦେଇଥିବା ସନ୍ଦେହ କରାଯାଉଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ