ଖୋର୍ଦ୍ଧା:ସଦର ଥାନା ପୋଲିସ ୧୬ ନମ୍ବର ଜାତୀୟ ରାଜପଥ ଦଳେଇପୁଟ ଛକ ନିକଟରୁ ଏକ କଣ୍ଟେନର ଗୋମାଂସ ଚାଲାଣ ହେଉଥିବାବେଳେ ଜବତ କରିଛି ଖୋର୍ଦ୍ଧା ସଦର ଥାନା ପୋଲିସ । ଉକ୍ତ କଣ୍ଟେନରରେ ପ୍ରାୟ ୫ ଟନ ଗୋମାଂସ ଥିବା ଜାଣିବାକୁ ପାଇଛି ପୋଲିସ । ତେବେ ପୋଲିସ ଗାଡି ଅଟକାଇବା ସମୟରେ ଉକ୍ତ ଟ୍ରକର ଡ୍ରାଇଭର କୌଶଳକ୍ରମେ ଖସିଯିବାରେ ସକ୍ଷମ ହୋଇଛି ।
ତେବେ ସମ୍ପୂର୍ଣ୍ଣ ଘଟଣାକ୍ରମ ଅନୁସାରେ, ଏହି ଗାଡ଼ିରେ ଗୋମାଂସ ଚାଲାଣ ହେଉଥିବା ନେଇ ମିଳିଥିବା ପୂର୍ବ ସୂଚନା ଆଧାରରେ ସଦର ଥାନା ଅଧିକାରୀ ଅନିତା ସାହୁଙ୍କ ନେତୃତ୍ୱରେ ଏକ ଟିମ୍ ଦଳେଇପୁଟ ଛକରେ ଜଗି ବସିଥିଲେ । ପୋଲିସ ପ୍ରାଥମିକ ତଦନ୍ତରୁ ଏହା ଗୋମାଂସ କହିଥିବାବେଳେ ସ୍ପଷ୍ଟ ହେବା ପାଇଁ ମାଂସର ନମୂନାକୁ ଖୋର୍ଦ୍ଧା ପଶୁ ଚିକିତ୍ସକଙ୍କ ଜରିଆରେ ରାଜ୍ୟ ବିଜ୍ଞାନ ଅନୁସନ୍ଧାନଗାରକୁ ପଠାଇଛି । ଜବତ ଗୋମାଂସକୁ ଗାତ ଖୋଳି ପୋତାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
