ଖୋର୍ଦ୍ଧା: ଖାକିରେ ଲାଗିଲା କଳଙ୍କ । ବିବାହିତା ମହିଳାଙ୍କୁ ପ୍ରେମ କରି ପ୍ରତାରଣା କରିବା ଅଭିଯୋଗରେ ବନ୍ଧା ହେଲେ ଖୋର୍ଦ୍ଧା ଜିଲ୍ଲା ଟାଙ୍ଗି ଥାନାର ପୋଲିସ ଏସଆଇ ଭାଗୀରଥି ଦାସ । କୋଭିଡ ସମୟରେ ନିଯୁକ୍ତି ପାଇଥିଲେ ଭାଗୀରଥି । ତାଙ୍କ ଘର ଟାଙ୍ଗି ଥାନା ଅନ୍ତର୍ଗତ ଭୁସଣ୍ଡପୁର ଅଞ୍ଚଳରେ ।
କିଛିଦିନ ତଳେ ଜଣେ ବିବାହିତା ମହିଳାଙ୍କ ସମ୍ପର୍କରେ ଆସି ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ପୋଲିସ ବାବୁ ମଧ୍ୟ ଉକ୍ତ ମହିଳାଙ୍କୁ ବିବାହ କରିବାକୁ ପ୍ରତିଶୃତି ଦେଇଥିଲେ । ପରେ ମନା କରିବାରୁ ମାମଲା ପହଞ୍ଚିଥିଲା ଥାନାରେ । ଖୋର୍ଦ୍ଧା ଆଦର୍ଶ ଥାନାରେ ଏ ସଂକ୍ରାନ୍ତରେ ଅଭିଯୋଗ ହେବାପରେ ଘଟଣାର ତଦନ୍ତ କରି ପୋଲିସ ବାବୁ ଭାଗୀରଥିଙ୍କୁ ଗିରଫ କରି ଜେଲ ପଠାଇଛି । ଘଟଣାର ତଦନ୍ତ ଖୋର୍ଦ୍ଧା ଏସଡିପିଓ କରୁଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ