ଖୋର୍ଦ୍ଧା: ଜିଲ୍ଲାର ଟାଙ୍ଗି ଥାନା ଅନ୍ତର୍ଗତ ନିମୁନା ଗାଁରେ ଅଘଟଣ । ପୋଖରୀରେ ବୁଡି ଜଣେ ୩ ବର୍ଷର ଶିଶୁ ମୃତ। ମୃତ ଶିଶୁର ନାଁ ହାପି ଦାସ । ଧନୁ ସଂକ୍ରାନ୍ତି ଅବସରରେ ମନ୍ଦିରକୁ ଯିବା ପାଇଁ ଜେଜେ ମା'ଙ୍କ ସହ ମିଶି ପୋଖରୀକୁ ଗାଧୋଇବା ପାଇଁ ଯାଇଥିବା ବେଳେ ଘଟିଛି ଏହି ଅଘଟଣ ।
ଜେଜେ ମା' ନାତି ହାପିକୁ ପୋଖରୀର ଗାଧୁଆ ତୁଠ ପାହାଚରେ ବସାଇ ଶୌଚ ହେବାକୁ ଯାଇଥିବାବେଳେ ହାପି ଦାସ ପୋଖରି ପାହାଚରେ ବସି ଖେଳୁଥିଲା। ହଠାତ ତାର ଚପଲ ପାଣି ଭିତରକୁ ଖସିଯିବାରୁ ଚପଲ ଆଣିବାକୁ ପୋଖରି ଭିତରକୁ ପଳାଇ ଯାଇଥିଲା। ହେଲେ ପୋଖରୀର ଗଭୀର ଜଳ ଭିତରୁ ସେ ଆଉ ବାହାରି ପାରିନଥିଲା। ଯାହାଫଳରେ ତାର ମୃତ୍ୟୁ ହୋଇଥିବା ସୂଚନା ରହିଛି।
ପୋଖରୀରେ ବୁଡ଼ି 3 ବର୍ଷର ଶିଶୁ ମୃତ