ଖୋର୍ଦ୍ଧା: ବିଦ୍ୟୁତ ବିଭାଗର ଚରମ ଅବହେଳା କାରଣରୁ ଚାଲିଗଲା ନିରୀହ ଜୀବନ । ଗାଁ ଦାଣ୍ଡରେ ଖେଳୁଥିବା ଅବସ୍ଥାରେ ଉପରେ ପଡିଲା ବିଦ୍ୟୁତ ଖୁଣ୍ଟ । ଚାଲିଗଲା ଗୋଟିଏ ନିଷ୍ପାପ ଶିଶୁର ଜୀବନ । ଏଭଳି ଅଭାବନୀୟ ଘଟଣା ଘଟିଛି ବେଗୁନିଆ ଥାନା ଅନ୍ତର୍ଗତ କେନ୍ଦୁପଲି ଗ୍ରାମରେ ।
ବିଦ୍ୟୁତ ଖୁଣ୍ଟ ପଡି ୪ବର୍ଷର ଶିଶୁ ମୃତ
ସୂଚନା ଅନୁଯାୟୀ ତିନିଦିନ ତଳେ ବାଘମାରି ବିଦ୍ୟୁତ ସେକ୍ସନ ପକ୍ଷରୁ ନୂତନ ବିଦ୍ୟୁତ ଖୁଣ୍ଟ ପୋତା ଯାଇଥିଲା କିନ୍ତୁ ସେଥିରେ କୌଣସି ଢଳେଇ ନକରି ଚାଲିଯାଇଥିଲେ ବିଦ୍ୟୁତ କର୍ମଚାରୀ । ସେହିପରି ଖୁଣ୍ଟ ପୋତିବା ବେଳେ ଗ୍ରାମରେ ଯାଇଥିବା ପାଣି ପାଇପ ଫାଟି ଯାଇ ପାଣି ବାହାରିଥିଲା ଯାହା ଫଳରେ ଖୁଣ୍ଟଟି ଦବିଯାଇ ଆଜି ସକାଳୁ ଖେଳୁଥିବା ଅବସ୍ଥାରେ ମନୋରଞ୍ଜନ ବେହେରାଙ୍କ 4ବର୍ଷର ପୁଅ ସାଇ ରଞ୍ଜନ ବେହେରାଙ୍କ ଉପରେ ପଡିଯାଇଥିଲା ।