ଖୋର୍ଦ୍ଧ: ବାତ୍ୟା ‘ଫନି’କୁ ପୁରିଲାଣି ମାସେ । ତଥାପି ମନରୁ ଲିଭିନି ‘ଫନି’ର ପ୍ରଳୟଙ୍କାରୀ ଅନୁଭୂତି । ପବନର ବେଗ ଆଗରେ ସତେ ଯେମିତି ସମସ୍ତେ ହାର ମାନିଥିଲେ । ଆଉ ଏହି ବାତ୍ୟା ଫନିର ପ୍ରଳୟରେ ନଷ୍ଟ ହୋଇଛି ଖୋର୍ଦ୍ଧା ଜିଲ୍ଲାରେ ପାଖାପାଖି 520କୋଟି ଟଙ୍କାର ସମ୍ପତ୍ତି ।
ଭିଡିଓ ଫଟୋ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏଭଳି ସୂଚନା ଦେଇଛନ୍ତି ଖୋର୍ଦ୍ଧା ଜିଲାପାଳ ଭୁପିନ୍ଦର ସିଂ ପୁନିଆ । ବାତ୍ୟାକୁ ଏକମାସ ପୁରିଥିବା ବେଳେ ଏବେବି ଜିଲାର କିଛି ସ୍ଥାନରେ ବିଦ୍ୟୁତ ଅପହଞ୍ଚ ରହିଛି । ସେହିପରି ରାସନକାର୍ଡଧାରୀଙ୍କୁ ଛାଡିଦେଲେ କାର୍ଡ ନଥିବା କ୍ଷତିଗ୍ରସ୍ତଙ୍କ ଚିଠା ପ୍ରସ୍ତୁତ ହୋଇସାରିଛି ଓ ସେମାନଙ୍କୁ ଖୁବଶୀଘ୍ର ସରକାରୀ ସହାୟତା ଯୋଗାଇ ଦିଆଯିବ ।