ଖୋର୍ଦ୍ଧା: ଘଡିକୁ ଘଡି ବଦଳୁଥିବା ରାଜନୀତିର ସମୀକରଣର ସମାଧାନ କରିବା ନେଇ ଜୋରଦାର ଗଣିତ କଷୁଛନ୍ତି ରାଜନୈତିକ ଦଳ। ଏହି କ୍ରମରେ ଟିକେଟ ପାଇଥିବା ପ୍ରାର୍ଥୀ ମାନଙ୍କ ମାନସିକତା, ଭୋଟରଙ୍କୁ ଆକୃଷ୍ଟ କରିବା ଉପାୟ, ନିର୍ବାଚନୀ ମୁଦ୍ଦା, କେଉଁ ସୂତ୍ରର ଆଧାର, କେଉଁ ସବୁ ସମସ୍ୟାର ସମାଧାନ, ନିର୍ବାଚନ ରଣନୀତି ଏସବୁ ନେଇ ଇଟିଭିର 'ନେତାଙ୍କୁ ପାଞ୍ଚଟି ପ୍ରଶ୍ନ' କାର୍ଯ୍ୟକ୍ରମରେ ଆମେ ପଚାରିଥିଲୁ ବିଜୁ ଜନତା ଦଳର ସାଂସଦ ପ୍ରଶାନ୍ତ ନନ୍ଦଙ୍କ ପୁଅ ଋଷଭ ନନ୍ଦଙ୍କୁ । ବିଜେପି ଟିକେଟରୁ ବେଗୁନିଆ ଆସନରେ ଲଢେଇ କରିବେ ରିଷଭ ।
।
ରାଜନୀତିରେ ନୂଆ କରି ପାଦ ଥାପି ବେଗୁନିଆ ନିର୍ବାଚନ ମଣ୍ଡଳୀରେ ବିଜେପି ଟିକେଟ ହାତେଇଥିବା ବରିଷ୍ଠ ବିଜେଡି ନେତା ତଥା ରାଜ୍ୟସଭା ସାଂସଦଙ୍କ ପୁଅ ଋଷଭ ନନ୍ଦ ଏବେ ଚର୍ଚାରେ । ବାପା ବିଜେଡିରେ ଥିବା ବେଳେ ପୁଅ ବିଜେପିରେ ଯୋଗ ଦେବା ବେଶ୍ ଚର୍ଚ୍ଚାର ପ୍ରସଙ୍ଗ ପାଲଟିଥିଲା ରାଜ୍ୟ ରାଜନୀତିରେ । ଏଥର ବେଗୁନିଆରେ ପଦ୍ମ ଫୁଟାଇବା ପାଇଁ ବିଜେପି ତାଙ୍କୁ ଦାୟିତ୍ବ ଦେଇଛି । 'ଆଗକୁ ବେଗୁନିଆ ହସିବ' ପଦ୍ମ ଫୁଟିବ ବୋଲି ସେ କହିଛନ୍ତି ।