କେନ୍ଦୁଝର: ଜିଲ୍ଲାର ପିଠାଗୋଳା ଗ୍ରାମ ପଞ୍ଚାୟତରେ ଅଘଟଣ । ୧୧ କେଭି ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକର ମୃତ୍ୟୁ ଘଟିଥିବା ଜଣାପଡିଛି । ମୃତ ଯୁବକ ଜଣକ ରମ୍ପାକୋଟ ଗାଁର ବ୍ରହ୍ମାନନ୍ଦ ସାହୁଙ୍କ ପୁଅ ବିବେକ ସାହୁ ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ମୁତାବକ, ଆଜି (ମଙ୍ଗଳବାର) ସନ୍ଧ୍ୟା ସମୟରେ ଯୁବକ ଜଣକ ଘରପଛ ପାଖ ବଗିଚା ନିକଟରେ ବସିଥିବା ଟ୍ରାନ୍ସଫର୍ମର ନିକଟରେ କୌଣସି କାମ କରୁଥିବା ସମୟରେ ବିଦ୍ୟୁତ ସଂସ୍ପର୍ଶରେ ଆସିଥିଲେ । ଫଳରେ ସେ ଘଟଣାସ୍ଥଳରେ ଗୁରୁତର ହୋଇ ପଡିଥିଲେ । ଗୁରୁତର ଅବସ୍ଥାରେ ତାଙ୍କୁ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ମୃତ୍ୟୁ ଘୋଷଣା କରିଛନ୍ତି ।