କେନ୍ଦୁଝର: କେନ୍ଦୁଝର ବନଖଣ୍ଡ ଅଧିନସ୍ଥ ଦେଓବନ୍ଧ ଫରେଷ୍ଟ ରେଞ୍ଜରେ ଜଙ୍ଗଲ ବିଭାଗର ଦୁର୍ନୀତି ପିଛା ଛାଡୁ ନାହିଁ । ପୁର୍ବରୁ ବନୀକରଣ କରିବା ନେଇ ଦୁର୍ନୀତି ପଦାକୁ ଆସିବା ପରେ ଦୁଇଜଣ କର୍ମଚାରୀ ନିଲମ୍ବିତ ହୋଇଥିଲେ । ଏବେ ସେହି କାର୍ଯ୍ୟରେ ଗାତ ଖୋଲିବାରେ ନିୟୋଜିତ ହୋଇଥିବା ସ୍ଥାନୀୟ ଲୋକଙ୍କ ଟଙ୍କା ମିଳିନଥିବା ଅଭିଯୋଗ ହୋଇଛି ।
ବନୀକରଣରେ ଗାତ ଖୋଳିଥିବା ଶ୍ରମିକଙ୍କୁ ମିଳୁନି ପାରିଶ୍ରମିକ ସ୍ଥାନୀୟ କାଳୀମାଟି ଗାଁର ୨୦ ରୁ ଅଧିକ ଶ୍ରମିକ ଗଛ ଲଗାଇବା ପାଇଁ ଗାତ ଖୋଲିଥିଲେ । ଜାନୁଆରୀ ମାସରୁ କାର୍ଯ୍ୟ କରିଥିବା ବେଳେ ଏପର୍ଯ୍ୟନ୍ତ ଗାତ ଖୋଳା ବାବଦକୁ ଟଙ୍କା ପାଇ ନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏନେଇ ଶ୍ରମିକମାନେ ଜିଲ୍ଲା ବନଖଣ୍ଡ ଅଧିକାରୀଙ୍କୁ ଲିଖିତ ଅଭିଯୋଗ କରିଛନ୍ତି । ହେଲେ, ବନଖଣ୍ଡ ଅଧିକାରୀଙ୍କ ଏନେଇ ପ୍ରତିକ୍ରିୟା ମିଳିପାରି ନାହିଁ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର ,ଇଟିଭି ଭାରତ
