ଆନନ୍ଦପୁର:ରାସ୍ତାକଡରୁ ଅଜଣା ଯୁବକଙ୍କ ମୃତଦେହ ଉଦ୍ଧାର । କେନ୍ଦୁଝର ସୀମାନ୍ତ ଟମକା ଥାନା ଗୌଡ଼ବାହାଳି ଗାଁ ରାସ୍ତାକଡ଼ରେ ଆଜି ସକାଳ ସମୟରେ ଯୁବକଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାସ୍ତା କଡରୁ ଅଜଣା ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ ମୃତ ଯୁବକଙ୍କ ନିକଟରେ ୪ଟି ଚପଲ ପଡିଥିବା ସହ ଏହାର ପାରିପାର୍ଶ୍ବିକ ସ୍ଥିତିରୁ ଏହା ଏକ ହତ୍ୟାକାଣ୍ଡ ହୋଇଥାଇପାରେ ବୋଲି ଅନୁମାନ କରାଯାଉଛି । ତେବେ ଯଦି ଯୁବକ ଜଣଙ୍କୁ ହତ୍ୟା କରାଯାଇଛି କିଏ ଓ କାହିଁକି ଏପରି ହତ୍ୟାକାଣ୍ଡ ଭିଆଇଲା ସେନେଇ କିଛି ସ୍ପଷ୍ଚ ସୂଚନା ମିଳିପାରିନାହିଁ । ଯୁବକ ଜଣଙ୍କ ପରିଚୟ ମଧ୍ୟ ଅସ୍ପଷ୍ଟ ରହିଥିବାବେଳେ ପୋଲିସର ତଦନ୍ତ ସାମ୍ନାକୁ ଆସିବ ସତ ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ , ଇଟିଭି ଭାରତ
