ନାବାଳକ ପୁତୁରା ଠେଙ୍ଗା ମାଡ଼ରେ ବଡବାପା ମୃତ

ନାବାଳକ ପୁତୁରା ଠେଙ୍ଗା ମାଡ଼ରେ ବଡବାପା ମୃତ । କେନ୍ଦୁଝର ବଡ଼ବିଲ ପୌରାଞ୍ଚଳର ୦୧ ନମ୍ବର ୱାର୍ଡ ନାଲଦା ସ୍ଥିତ ହୀରାକୁଦ କଲୋନୀରେ ଘଟିଛି ଏଭଳି ହତ୍ୟାକାଣ୍ଡ। ଅଧିକ ପଢନ୍ତୁ...

କେନ୍ଦୁଝର: ନାବାଳକ ପୁତୁରା ଠେଙ୍ଗା ମାଡ଼ରେ ବଡବାପା ମୃତ । କେନ୍ଦୁଝର ବଡ଼ବିଲ ପୌରାଞ୍ଚଳର ୦୧ ନମ୍ବର ୱାର୍ଡ ନାଲଦା ସ୍ଥିତ ହୀରାକୁଦ କଲୋନୀରେ ଘଟିଛି ଏହି ହତ୍ୟାକାଣ୍ଡ। ସୂଚନା ଅନୁଯାୟୀ, ସମ୍ପୃକ୍ତ ନାବାଳକ କୌଣସି ଘରୋଇ କଳହରୁ ତାର ବଡବାପା ବୀରୁ ମୁଣ୍ଡା ସହ ବଚସା କରିଥିଲା । ଏଥିରେ ଉତକ୍ଷିପ୍ତ ହୋଇ ନାଵଳକ ତାର ବଡ଼ବାପାଙ୍କୁ ଏକ ଠେଙ୍ଗା ସାହାଯ୍ୟରେ ବାଡେଇବାରୁ ତାଙ୍କ ମୁଣ୍ଡରେ ଗଭୀର ଆଘାତ ହୋଇଥିଲା । ତେବେ ତାଙ୍କୁ ଗୁରୁତର ଅବସ୍ଥାରେ ବଡ଼ବିଲ ସ୍ବାସ୍ଥ୍ୟ କେନ୍ଦ୍ର ନିଆ ଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।

ଘଟଣା ପରେ ଅଭିଯୁକ୍ତ ଫେରାର ହେଇଯାଇଥିବା ବେଳେ ଆଜି(ଶନିବାର) ସକାଳେ ପୋଲିସ ତାକୁ ଗିରଫ କରି ଜୁବେନାଇଲ କୋର୍ଟ କେନ୍ଦୁଝରକୁ ଚାଲାଣ କରିଛି ବୋଲି ବଡବିଲ ପୋଲିସ ସୂଚନା ଦେଇଛନ୍ତି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ