ଭିଡିଓ ସୌଜନ୍ୟ: ପ୍ରତିନିଧି, କେନ୍ଦୁଝର କେନ୍ଦୁଝର: ଆଇଓସିଏଲ ପକ୍ଷରୁ ମଙ୍ଗଳବାର ଉଜ୍ଵଳା ସ୍ୱାଭିମାନ ଦିବସ ପାଳିତ ହୋଇଛି । ଘସିପୁରା ବ୍ଲକ ବାଲିପାଳ ଠାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏହି ଅବସରରେ ହିତାଧିକାରୀମାନେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଟେଲି କନଫରେନ୍ସରେ କଥା ହୋଇଥିଲେ ।
ଉଜ୍ଵଳା ଯୋଜନାରେ ଗ୍ୟାସ ସଂଯୋଗ ପାଇଥିବା ମହିଳା ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ଏଥିରେ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପୃଥ୍ୱୀରାଜ କୁଅଁର, କୃଷକ ମୋର୍ଚ୍ଚା ରାଷ୍ଟ୍ରୀୟ ଉପାଧକ୍ଷ ମହେଶ୍ୱର ସାହୁ, ଜିଲ୍ଲା ସଭାପତି ରାଧାକାନ୍ତ ମହାନ୍ତ, ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ସୁମତି ଜେନା, ଆଇଓସିଏଲ ଜିଏମ ଅସ କେ ଶାହା, ସିଜିଏମ ପ୍ରୀତିଶ କୁମାର ଅତିଥି ଭାବେ ଯୋଗ ଦେଇଥିଲେ ।
ମୋଦି ସରକାର ଅମଳରେ ମହିଳା କିଭଳି ସମୃଦ୍ଧ ହୋଇଛନ୍ତି ସେ ସମ୍ପର୍କରେ ଏମାନେ ଆଲୋଚନା କରିଥିଲେ । ଏହି ଅବସରରେ ଟେଲି କନଫରେନ୍ସ ଜରିଆରେ ମହିଳାମାନେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ବିଜେପି ନେତ୍ରୀ ଉମା ଭାରତୀଙ୍କ ସହ ଉଜ୍ଵଳା ଗ୍ୟାସ ବ୍ୟବହାର ସମ୍ପର୍କରେ ଆଲୋଚନା କରିଥିଲେ ।
କେନ୍ଦୁଝରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
