କେନ୍ଦୁଝର:ରାସ୍ତା ମଝିରେ ଜଳିଗଲା ମାଲ ବୋଝେଇ ଟ୍ରକ । କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ରାସ୍ତାର ପିଟାପିଟି ଗାଁ ନିକଟ ଭାଇଭାଇ ଢାବା ନିକଟରେ ସକାଳୁ ୧୨ ଚକିଆ ମାଲବୁହା OR -09N- 6231 ଗାଡିଟି ହୁତୁହୁତୁ ହୋଇ ଜଳି ଯାଇଛି ।
ସୂଚନାଅନୁଯାୟୀ, ଗାଡି ଟି ଆଜି ଭୋର ସକାଳୁ ଆଇରନ ମାଲ ଲୋଡିଙ୍ଗ ପାଇଁ ଯୋଡ଼ା ଆସୁଥିବା ବେଳେ ଭାଇ ଭାଇ ଢାବା ନିକଟରେ ଡ୍ରାଇଭର ଗାଡ଼ି ଛିଡା କରି ଚା’ ପିଉଥିଲେ । ଗାଡିଟି ଠିଆ ହୋଇଥିଲା ବେଳେ ଅଚାନକ ହୁତୁହୁତୁ ହୋଇ ଜଳିଯାଇଥିଲା । ଏହି ଘଟଣାରେ ଡ୍ରାଇଭର, ହେଲପର ସୁରକ୍ଷିତ ଥିବା ଜଣାପଡିଛି । ଖବର ପାଇ ହରିଚନ୍ଦନପୁର ଅଗ୍ନିଶ୍ରମ ବିଭାଗ ଘଟଣା ସ୍ଥଳରେ ପହଁଚି ନିଆଁକୁ ଆୟତ୍ତ କରିଥିଲେ । ତେବେ ସର୍ଟସର୍କିଟ ଯୋଗୁଁ ଏପରି ଅଘଟଣ ଘଟିଥିବା ଅନୁମାନ କରାଯାଉଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
