କେନ୍ଦୁଝର: କୁଶଳୀ ଓ ଅଣକୁଶଳୀ ଶ୍ରମିକଙ୍କୁ ନିଯୁକ୍ତି ଯୋଗାଇ ପାରିଛି ମହାତ୍ମା ଗାନ୍ଧୀ କର୍ମ ନିଯୁକ୍ତି ଆଇନ । ବିଶେଷତଃ ମହିଳାମାନଙ୍କ କ୍ଷେତ୍ରରେ ଏହା ବେଶ ସହାୟକ ହୋଇପାରିଛି । ସ୍ବାବଲମ୍ବୀ ହେବା ସହ ଦୁଇ ପଇସା ରୋଜଗାର କରି ଘରର ପେଟ ପୋଷି ପାରୁଛନ୍ତି ମହିଳାମାନେ । ଏହାର ଏକ ଉଦାହରଣ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ସଦର ବ୍ଲକ ପଦ୍ମପୁରରେ ।
ଭିଡିଓ ସୌଜନ୍ଯ: ସମ୍ବାଦଦାତା, କେନ୍ଦୁଝର
ସ୍ଥାନୀୟ କେନ୍ଦୁଝର ବନଖଣ୍ଡ ଦ୍ବାରା ପ୍ରସ୍ତୁତ ଚାରାରୋପଣ କେନ୍ଦ୍ରରେ କାର୍ଯ୍ୟ କରୁଛନ୍ତି । ପୂର୍ବରୁ ଉକ୍ତ ଗ୍ରାମର ମହିଳାମାନେ ଘରେ ରହି ମୁଖିଆଙ୍କ ଉପରେ ନିର୍ଭର କରୁଥିଲେ କିନ୍ତୁ ବର୍ତ୍ତମାନ ସମୟ ବଦଳିଛି । ଏବେ ଏଠାକାର ମହିଳାମାନେ ଚାରାରୋପଣ କେନ୍ଦ୍ରକୁ ଆସି ବିଭିନ୍ନ ପ୍ରକାର ଚାରା ପ୍ରସ୍ତୁତ କରୁଛନ୍ତି । ଆଉ ଏଥିପାଇଁ ଜଙ୍ଗଲ ବିଭାଗ ପକ୍ଷରୁ ଟ୍ରେନିଂ ମଧ୍ୟ ଦିଆଯାଉଛି । ଏହି ଟ୍ରେନିଂ ମାଧ୍ୟମରେ ମହିଳାମାନେ ଶାଳ, ଶିଶୁ, କରଞ୍ଜ, ଜାମ୍ବୁ, ଆମ୍ବ ଆଦି ଚାରା ପ୍ରସ୍ତୁତ କରୁଛନ୍ତି।